作詞：張燕清
作曲：張燕清
編曲：張振杰
＊我想欲將自己的心 放乎自由自在的飛
我想欲無顧一切 將咱過去丟落海底
愛過的是一場空 甘願當作是一場夢
我明明知有頭沒尾 偏偏感情放遐呢多 如今不知欲如何挽回一切
＃無情的人講無聊的酒話 癡情的人喝傷心的酒杯
愛你的心肝乎你拍賣 欠你的甘是我的前世
手若放抹開 愈欠是愈多
虛華的人講寂寞是苦罪 單純的人講傷心是自罪
甘講我抹當擱自由自在過
Repeat ＊,＃,＃
《自由自在》Tsū-iû Tsū-tsāi
翁立友Ang Li̍p-iú
我想欲將家己的心
guá siūnn-beh tsiong ka-kī ê sim
放予自由自在咧飛
pàng hōo tsū-iû tsū-tsāi leh pue
我想欲無顧一切
guá siūnn-beh bô kòo it-tshè
將咱過去擲落海底
tsiong lán kuè-khì tàn lo̍h hái-té
愛過的是一場空
ài--kuè ê sī tsi̍t-tiûnn khang
甘願當做是一場夢
kam-guān tòng-tsuè sī tsi̍t-tiûnn bāng
我明明知有頭無尾
guá bîng-bîng tsai ū-thâu bô-bué
偏偏感情放遮爾濟
phian-phian kám-tsîng pàng tsiah-nī tsē
如今毋知欲如何挽回一切
jû-kim m̄-tsai beh jû-hô bán-huê it-tshè
無情的人講無聊的酒話
bô-tsîng ê lâng kóng bô-liâu ê tsiú-uē
痴情的人啉傷心的酒杯
tshi-tsîng ê lâng lim siong-sim ê tsiú-pue
愛你的心肝予你拍賣
ài lí ê sim-kuann hōo lí phah-bē
欠你的敢是我的前世
khiàm lí ê kám-sī guá ê tsîng-sè
手若放袂開
tshiú nā pàng buē khui
愈欠是愈濟
jú khiàm sī jú tsē
虛華的人講寂寞是苦罪
hi-hua ê lâng kóng tsi̍k-bo̍k sī khóo-tsuē
單純的人講傷心是自罪
tan-sûn ê lâng kóng siong-sim sī tsū-tsuē
敢講我袂當閣自由自在過
kám-kóng guá buē-tàng koh tsū-iû tsū-tsāi kuè