作詞：蔡振南
作曲：蔡振南
編曲：江孝文
慢慢聽無你的聲 慢慢看無你的影
離開你是我的疼 淒涼就是我的名
夜半路燈孤單影 狗螺聲伴阮一直行
路邊 酒矸 是我的生命 情場憨子
是人看人人驚 有情無情天知影
解釋費心晟 若是為你廢生命
我願化作杜鵑鳥 化作杜鵑鳥 置你身邊哭三聲
------------------------------------------
9100/《情場戇囝》Tsîng-tiûnn Gōng-kiánn
蔡振南Tshuà Tsín-lâm
慢慢聽無你的聲
bān-bān thiann-bô lí ê siann
慢慢看無你的影
bān-bān khuànn-bô lí ê iánn
離開你是我的疼
lī-khui lí sī guá ê thiànn
淒涼就是我的名
tshe-liâng tiō-sī guá ê miâ
夜半路燈孤單影
iā-puànn lōo-ting koo-tuann iánn
狗螺聲伴阮一直行
káu-lê-siann phuānn gún it-ti̍t kiânn
路邊酒矸
lōo-pinn tsiú-kan
是我的性命
sī guá ê sìnn-miā
情場戇囝
tsîng-tiûnn gōng-kiánn
是人看人人驚
sī lâng khuànn lâng-lâng kiann
有情無情天知影
ū-tsîng bô-tsîng thinn tsai-iánn
解說費心情
kái-sueh huì sim-tsiânn
若是為你廢性命
nā-sī uī lí huì sìnn-miā
我願化做杜鵑鳥
guá guān huà-tsuè tōo-kuan-niáu
化做杜鵑鳥
huà-tsuè tōo-kuan-niáu
佇你身邊哭三聲
tī lí sin-pinn khàu sann-siann