作詞：邱宏瀛
作曲：許明傑
好親像 有人叫著我
莫閣心煩 莫閣流浪
轉來吧 輕輕叫著我
故鄉是我支持的力量
阮一生追雲佮追風
離鄉背井走揣理想
世間路坎坷像迷宮
天邊海角更加堅強
夜雨綿綿加添悲傷
予阮看袂著愛人的笑容
將著委屈藏踮阮心中
只有夢中閣想著黃昏的故鄉
堅心予天替阮感動
予阮看會著美麗的彩虹
毋願吞落無情的風霜
只有夢中再思念 可愛的故鄉
------------------------------------------
9798/《夢中的故鄉》Bāng-tiong ê Kòo-hiong
邵大倫Siō Tāi-lûn
好親像有人
hó-tshin-tshiūnn ū-lâng
叫著我
kiò tio̍h guá
莫閣心煩
mài koh sim huân
莫閣流浪
mài koh liû-lōng
轉來吧
tńg--lâi pah
輕輕叫著我
khin-khin kiò tio̍h guá
故鄉是我支持的力量
kòo-hiong sī guá tsi-tshî ê li̍k-liōng
阮一生追雲佮追風
gún it-sing tui hûn kah tui hong
離鄉背井走揣理想
lî-hiong puē-tsínn tsáu-tshuē lí-sióng
世間路坎坷像迷宮
sè-kan-lōo khám-khia̍t tshiūnn bê-kiong
天邊海角更加堅強
thinn-pinn hái-kak kìng-ka kian-kiông
夜雨綿綿加添悲傷
iā-hōo mî-mî ka-thiam pi-siong
予阮看袂著愛人的笑容
hōo gún khuànn bē-tio̍h ài-jîn ê tshiò-iông
將著委屈藏踮阮心中
tsiong-tio̍h uí-khut tshàng tiàm gún sim-tiong
只有夢中
tsí-ū bāng-tiong
閣想著黃昏的故鄉
koh siūnn-tio̍h hông-hun ê kòo-hiong
堅心予天替阮感動
kian-sim hōo thinn thè gún kám-tōng
予阮看會著
hōo gún khuànn ē-tio̍h
美麗的彩虹
bí-lē ê tshái-hông
毋願吞落無情的風霜
m̄-guān thun lo̍h bô-tsîng ê hong-song
只有夢中再思念
tsí-ū bāng-tiong tsài su-liām
可愛的故鄉
khó-ài ê kòo-hiong