作詞：小婷
作曲：惠蓁
別人的愛情夢 又快樂又輕鬆
怎樣阮的無同 總是這呢煩
阮實在不敢忘 你只愛阮一人
既然愛甲這癱 不如去愛別人
愛情會凍簡簡單單 何必著來這呢為難
你無真心千萬嘸通 誤阮一世人
雖然離開心內嘸甘 卡贏每日心情沉重
只有當作一場眠夢 夢醒情也空
無熟識半個人 在異鄉的車站
決心一切來放 將你送別人
------------------------------------------
10162/《將你送別人》Tsiong Lí Sàng Pa̍t-lâng
鄧詠家Tīng Īng-ka
別人的愛情夢
pa̍t-lâng ê ài-tsîng-bāng
又快樂又輕鬆
iū khuài-lo̍k iū khin-sang
怎樣阮的無仝
tsuánn-iūnn gún-ê bô-kāng
總是遮爾煩
tsóng-sī tsiah-nī huân
阮實在毋敢忘
gún si̍t-tsāi m̄-kánn bōng
你只愛阮一人
lí tsí ài gún tsi̍t-lâng
既然愛甲遮忝
kì-jiân ài kah tsiah thiám
不如去愛別人
put-jû khì ài pa̍t-lâng
愛情會當簡簡單單
ài-tsîng ē-tàng kán-kán-tan-tan
何必著來遮爾為難
hô-pit tio̍h lâi tsiah-nī uî-lân
你無真心
lí bô tsin-sim
千萬毋通
tshian-bān m̄-thang
誤阮一世人
gōo gún tsi̍t-sì-lâng
雖然離開
sui-jiân lī-khui
心內毋甘
sim-lāi m̄-kam
較贏每日心情沉重
khah iânn muí-ji̍t sim-tsîng tîm-tāng
只有當做一場眠夢
tsí-ū tòng-tsuè tsi̍t-tiûnn bîn-bāng
夢醒情也空
bāng tshínn tsîng iā khang
無熟似半个人
bô si̍k-sāi puànn-ê lâng
在異鄉的車站
tsāi ī-hiong ê tshia-tsām
決心一切來放
kuat-sim it-tshè lâi pàng
將你送別人
tsiong lí sàng pa̍t-lâng