作詞：林強
作曲：林強
編曲：Donald Ashley
* 拜六的晚時 孤單一人 悶得我強未喘氣
拜六的晚時 朋友找我 招我出來Disco Pub相見
七彩的燈光 迷人的音樂聲 茫茫霧霧 閃閃爍爍
人人都在舞池 我在看MTV 但是不知在扮啥米*
拜六的晚時 欣羨別人 大家攏雙雙對對
拜六的晚時 查某囡仔真美 迷人的身材 乎阮癡迷 sexy body
Rock & Roll can touch my heart跳舞將煩惱忘記
乒乒乓乓鼓聲和汗的煙臭味
雖然朋友很多很趣味 猶原感覺這呢唏微
心內想真了不起 整天醉生夢死
I try to find someone can talk to me 我只是好強不承認失意
想欲找一個知己 可當永遠惦在阮身邊
拜六的晚時又閣安呢過去 生活不過如此而已
拜六的晚時就是安呢過去 茫茫霧霧 拜六的晚時
--------------------------------------------------
《拜六的暗時》Pài-la̍k ê Àm-sî
林強Lîm Kiông
拜六的暗時
pài-la̍k ê àm-sî
孤單一人
koo-tuann tsi̍t-lâng
翕甲我強袂喘氣
hip kah guá kiông buē tshuán-khuì
拜六的暗時
pài-la̍k ê àm-sî
朋友揣我
pîng-iú tshuē guá
招我出來Disco Pub相見
tsio guá tshut-lâi Disco phà-buh sio-kìnn
七彩的燈光
tshit-tshái ê ting-kng
迷人的音樂聲
bê-lâng ê im-ga̍k-siann
雺雺霧霧
bông-bông-bū-bū
閃閃爍爍
siám-siám-sih-sih
人人攏佇舞池
lâng-lâng lóng tī bú-tî
我咧看MTV
guá leh khuànn MTV
但是毋知咧搬啥物
tān-sī m̄-tsai leh puann siánn-mih
拜六的暗時
pài-la̍k ê àm-sî
欣羨別人
him-siān pa̍t-lâng
逐家攏雙雙對對
ta̍k-ke lóng siang-siang-tuì-tuì
拜六的暗時
pài-la̍k ê àm-sî
查某囡仔真媠
tsa-bóo-gín-á tsin suí
迷人的身材
bê-lâng ê sin-tsâi
予阮痴迷
hōo gún tshi-bê
sexy body
sexy body
Rock 'n' Roll can touch my heart
Rock 'n' Roll can touch my heart
跳舞共煩惱放袂記
thiàu-bú kā huân-ló pàng-buē-kì
繽繽迸迸
pin-pin-piàng-piàng
鼓聲佮汗的薰臭味
kóo-siann kah kuānn ê hun-tshàu bī
雖然朋友真濟真趣味
sui-jiân pîng-iú tsin tsē tsin tshù-bī
猶原感覺遮爾稀微
iu-guân kám-kak tsiah-nī hi-bî
心內想真了不起
sim-lāi siūnn tsin liáu-put-khí
規工醉生夢死
kui-kang tsuì-sing bāng-sí
I try to find someone can talk to me
I try to find someone can talk to me
我只是好強
guá tsí-sī hònn-kiông
毋承認是失意
m̄ sîng-jīn sī sit-ì
想欲揣一个知己
siūnn-beh tshuē tsi̍t-ê ti-kí
會當永遠踮在阮身邊
ē-tàng íng-uán tiàm-tsāi gún sin-pinn
拜六的暗時
pài-la̍k ê àm-sî
又閣按呢過去
iū-koh án-ne kuè-khì
生活不過如此而已
sing-ua̍h put-kò jû-tshú jî-í
拜六的暗時
pài-la̍k ê àm-sî
就是按呢過去
tiō-sī án-ne kuè-khì
雺雺霧霧
bông-bông-bū-bū
拜六的暗時
pài-la̍k ê àm-sî