作詞：鄭國江
編曲：麥皓輪
我恨做名歌星 想食開口飯
得閒入洗手間 唱吓中慢板
出名浴室歌王 唔係牙斬斬
會唱又會彈 結他又會玩
唱法勁 我生生猛猛
演科騷 歌星夠勁形象夠盞
唱過埠 美金一擔擔
不識慳 玩賭博直情累到我慘 輸光於一晚
唔做新潮歌手 轉行做唱家班
學人唱二簧 又學人數白欖
一曲入歌壇 咪話我唔夠膽
為咗搏兩餐 我死都唱返生
搏到盡 唱篤篤撐撐
一開聲 手掌拍爛人話我盞
夠煞食 唱多三兩晚
貪好玩 煙酒太勁懲罰太過慘 失聲於一旦
有個矇查班主 搵我做落鄉班
唔係做文武生 又唔係做花旦
開套武松打虎 做小武我最啱
點知佢搵我扮老虎 佢貪我會打大翻
搏晒命 老虎仔咁猛
打觔斗 花式變幻人又夠膽
撻到直 我死都要撐
攤攤腰 腰骨撻直人亦撻到散
收科於一旦