作詞：陳秋山
作曲：陳秋山
你不講話 我嘛知影你在想啥伙
你在想別人 想甲我的心肝魯帳帳
我的目眶紅 對你猶原是深深思戀
這段感情 擱再搏也是無望
雖然是真不甘 放你轉頭去找別人
既然雙人行到這個坎站
不放只有加添心內的苦痛
行到一個西一個東
這不是咱當初的願望
是到如今 只有承擔
愈想愈問愈操煩
哪是一個西一個東
註定是無同款的願望
惦惦收起了這張情網
網收夢醒 一切是空
------------------------------------------
《一個西一個東》Tsi̍t-ê Sai Tsi̍t-ê Tang
孫淑媚Sun Siok-bī
你毋講話
lí m̄ kóng-uē
我嘛知影你咧想啥貨
guá mā tsai-iánn lí teh siūnn siánn-huè
你咧想別人
lí teh siūnn pa̍t-lâng
想甲我的心肝挐氅氅
siūnn kah guá ê sim-kuann jû-tsháng-tsháng
我的目箍紅
guá ê ba̍k-khoo âng
對你猶原是深深思戀
tuì lí iu-guân sī tshim-tshim su-luân
這段感情
tsit tuānn kám-tsîng
閣再跋也是無望
koh-tsài pua̍h iā-sī bô-bāng
雖然是真毋甘
sui-jiân sī tsin m̄-kam
放你越頭去揣別人
pàng lí ua̍t-thâu khì tshuē pa̍t-lâng
既然雙人行到這個坎站
kì-jiân siang-lâng kiânn kàu tsit ê khám-tsām
毋放
m̄-pàng
只有加添心內的苦痛
tsí-ū ka-thiam sim-lāi ê khóo-thàng
行到一個西一個東
kiânn kàu tsi̍t-ê sai tsi̍t-ê tang
這毋是咱當初的願望
tse m̄-sī lán tong-tshoo ê guān-bāng
事到如今
sū kàu jû-kim
只有承擔
tsí-ū sîng-tam
愈想愈問愈操煩
jú siūnn jú mn̄g jú tshau-huân
若是一個西一個東
nā-sī tsi̍t-ê sai tsi̍t-ê tang
註定是無仝款的願望
tsù-tiānn sī bô kāng-khuán ê guān-bāng
恬恬收起了這張情網
tiām-tiām siu-khí liáu tsit tiunn tsîng-bāng
網收夢醒
bāng siu bāng-tshínn
一切是空
it-tshè sī khang