作詞：鄭進一/蔡宜晃
作曲：鄭進一/蔡宜晃
愛一個人那親像做一場夢 上驚夢醒的時一場空
想一個人那親像春夏秋冬 有時燒燒有時冷擱凍
想要用一支針織一張愛情網 偷偷將你網起來不願放
啊愛情那會這呢難 心肝像麻有夠亂
解不開綁袂緊 想要剪掉不甘願
啊愛情那會這呢難 心肝糟糟有夠煩
看袂開感情關 自古多情多遺憾
------------------------------------------
14639/《愛情哪會遮爾難》Ài-tsîng Ná Ē Tsiah-nī Lân
孫淑媚Sun Siok-bī
愛一个人
ài tsi̍t-ê lâng
若親像做一場夢
ná-tshin-tshiūnn tsuè tsi̍t-tiûnn bāng
上驚夢醒的時
siōng kiann bāng tshínn ê sî
一場空
tsi̍t-tiûnn khang
想一个人
siūnn tsi̍t-ê lâng
若親像春夏秋冬
ná-tshin-tshiūnn tshun-hā tshiu-tang
有時燒燒
ū-sî sio-sio
有時冷閣凍
ū-sî líng koh tàng
想欲用一枝針
siūnn-beh iōng tsi̍t-ki tsiam
刺一張愛情網
tshiah tsi̍t-tiunn ài-tsîng-bāng
偷偷將你網起來
thau-thau tsiong lí bāng khí-lâi
毋願放
m̄-guān pàng
啊~愛情哪會遮爾難
ah~ ài-tsîng ná ē tsiah-nī lân
心肝像麻有夠亂
sim-kuann tshiūnn muâ ū-kàu luān
敨袂開
tháu buē-khui
縛袂絚
pa̍k buē ân
想欲剪掉
siūnn-beh tsián tiāu
毋甘願
m̄ kam-guān
啊~愛情哪會遮爾難
ah~ ài-tsîng ná ē tsiah-nī lân
心肝慒慒有夠煩
sim-kuann tso-tso ū-kàu huân
看袂開感情關
khuànn buē-khui kám-tsîng-kuan
自古多情
tsū kóo to-tsîng
多遺憾
to uî-hām