作詞：黃謙
作曲：黃謙/王尚宏
假使你我兩人還有來世 敢會繼續擱來作伙
我的心驚寒我的心疼痛 明知一直乎你欺騙當作不知影
不知是阮不願來看破 還是紅顏薄命天註定
月娘也有天星作伴 孤孤單單猶原是我
約束的話 猶原放置心肝 傷心的話不願講乎人來聽
有緣無份 有緣無份是你是我
約束的話 換來一場暝夢 我甘擱要惦這一直等
約束歸約束 環境造成你是你我是我
------------------------------------------
《約束》Iok-sok
孫淑媚Sun Siok-bī
假使你我兩人猶有來世
ká-sú lí guá nn̄g-lâng iáu-ū lâi-sè
敢會繼續閣來做伙
kám ē kè-sio̍k koh lâi tsuè-hué
我的心驚寒
guá ê sim kiann-kuânn
我的心痛疼
guá ê sim thàng-thiànn
明知一直予你欺騙
bîng-tsai it-ti̍t hōo lí khi-phiàn
當做毋知影
tòng-tsuè m̄ tsai-iánn
毋知是阮毋願來看破
m̄-tsai sī gún m̄-guān lâi khuànn-phuà
抑是紅顏薄命天註定
ia̍h-sī hông-gân po̍k-bīng thinn tsù-tiānn
月娘也有天星做伴
gue̍h-niû iā ū thinn-tshinn tsuè-phuānn
孤孤單單猶原是我
koo-koo-tuann-tuann iu-guân sī guá
約束的話
iok-sok ê uē
猶原囥佇心肝
iu-guân khǹg tī sim-kuann
傷心的話
siong-sim ê uē
毋願講予人來聽
m̄-guān kóng hōo-lâng lâi thiann
有緣無份
ū-iân bô-hūn
有緣無份是你是我
ū-iân bô-hūn sī lí sī guá
約束的話
iok-sok ê uē
換來一場眠夢
uānn lâi tsi̍t-tiûnn bîn-bāng
我敢閣欲踮遮一直等
guá kám koh beh tiàm tsia it-ti̍t tán
約束歸約束
iok-sok kui iok-sok
環境造成了
khuân-kíng tsō-sîng liáu
你是你
lí sī lí
我是我
guá sī guá