四邊冷淡風又大 滿腹舊情透心寒
面對孤燈心空伴 深更開窗看
啊…異鄉月娘怨無伴 一時漸漸落西山
自嘆一生多不幸 不覺熱淚滴胸前
跳出家庭找光明 現在又反醒
啊…異鄉愁夜心袂清 一時像雨下袂停
世情冷落暗自悲 反悔枉費青春期
堂堂男兒應立志 沉靜等時機
啊…異鄉鳥隻哭歸暝 一時希望快好天
------------------------------------------
《異鄉風雨》Ī-hiong Hong-hōo
洪一峰Âng It-hong
四邊冷淡風又大
sì-pinn líng-tām hong iū tuā
滿腹舊情透心寒
muá-pak kū-tsîng thàu-sim kuânn
面對孤燈心空伴
bīn-tuì koo-ting sim khang phuānn
深更開窗看
tshim-kinn khui thang khuànn
啊~異鄉月娘怨無伴
ah~ ī-hiong ge̍h-niû uàn bô-phuānn
一時漸漸落西山
tsi̍t-sî tsiām-tsiām lo̍h se-suann
自嘆一生多不幸
tsū thàn it-sing to put-hīng
不覺熱淚滴胸前
put-kak jia̍t-luī tih hing-tsîng
跳出家庭揣光明
thiàu tshut ka-tîng tshē kong-bîng
現在又反醒
hiān-tsāi iū huán-síng
啊~異鄉愁夜心袂清
ah~ ī-hiong tshiû-iā sim buē tshing
一時像雨落袂停
tsi̍t-sî tshiūnn hōo lo̍h buē thîng
世情冷淡暗自悲
sè-tsîng líng-tām àm-tsū pi
反悔枉費青春期
huán-hué óng-huì tshing-tshun-kî
堂堂男兒應立志
tông-tông lâm-jî ing li̍p-tsì
沉靜等時機
tîm-tsīng tán sî-ki
啊~異鄉鳥隻哭規暝
ah~ ī-hiong tsiáu-tsiah khàu kui-mî
一時希望快好天
tsi̍t-sî hi-bāng khuài hó-thinn