離開著彼個女性忍耐孤單 過一年又一年流浪生活
雖然是有時也感覺真無伴 無人會了解著 阮憂愁的心肝
啊 為按怎 阮總是 阮總是不管為按怎 應該也著要看破
離開著無情街市已經三冬 今日東明日西心情茫茫
雖然是心念念彼暝的樓窗 阮現在已經是 他鄉的一個人
啊 心苦疼 阮總是 阮總是不通心苦疼 當做一場癡戀夢
離開著癡戀生活拿出勇氣 不驚風不驚雨賭著意志
雖然是不願來傷心珠淚滴 今夜的秋夜蟲 啼哭聲動人耳
啊 心稀微 阮總是 阮總是忍耐心稀微 應該向前緊來去
------------------------------------------
《無情的街市》Bô-tsîng ê Ke-tshī
洪一峰Âng It-hong
離開著彼個女性
lī-khui tio̍h hit-ê lú-sìng
忍耐孤單
jím-nāi koo-tuann
過一年又一年
kè tsi̍t-nî iū tsi̍t-nî
流浪生活
liû-lōng sing-ua̍h
雖然是有時
sui-jiân sī ū-sî
也感覺真無伴
iā kám-kak tsin bô-phuānn
無人會瞭解著
bô-lâng ē liáu-kái tio̍h
阮憂愁的心肝
gún iu-tshiû ê sim-kuann
啊~為按怎
ah~ uī-án-tsuánn
阮總是
gún tsóng-sī
阮總是毋管為按怎
gún tsóng-sī m̄-kuán uī-án-tsuánn
應該也著愛看破
ìng-kai iā tio̍h-ài khuànn-phuà
離開著無情街市
lī-khui tio̍h bô-tsîng kue-tshī
已經三冬
í-king sann-tang
今仔日東明日西
kia̋nn-ji̍t tang bîng-ji̍t sai
心情茫茫
sim-tsîng bâng-bâng
雖然是心唸唸
sui-jiân sī sim liām-liām
彼暝的樓窗
hit mî ê lâu-thang
阮現在已經是
gún hiān-tsāi í-king sī
他鄉的一個人
thann-hiong ê tsi̍t-ê-lâng
啊~心苦痛
ah~ sim khóo-thàng
阮總是
gún tsóng-sī
阮總是毋通心苦痛
gún tsóng-sī m̄-thang sim khóo-thàng
當做一場痴戀夢
tòng-tsuè tsi̍t-tiûnn tshi-luân bāng
離開著痴戀生活
lī-khui tio̍h tshi-luân sing-ua̍h
提出勇氣
the̍h tshut ióng-khì
毋驚風毋驚雨
m̄-kiann hong m̄-kiann hōo
賭著意志
tóo tio̍h ì-tsì
雖然是毋願來
sui-jiân sī m̄-guān lâi
傷心珠淚滴
siong-sim tsu-luī tih
今夜的秋夜蟲
kim-iā ê tshiu-iā thâng
啼哭聲動人耳
thî-khàu-siann tōng lâng hīnn
啊~心稀微
ah~ sim hi-bî
阮總是
gún tsóng-sī
阮總是忍耐心稀微
gún tsóng-sī jím-nāi sim hi-bî
應該向前緊來去
ìng-kai hiòng-tsiân kín lâi-khì