作詞：CHIA
作曲：CHIA
同款一班公車 穿著袂褪色的薄衫
一工又擱過去 還是一工又擱失去
吵吵鬧鬧的路 走過多少年的風雨
門邊的那個位置 甘那尚了解我的辛苦
明仔載的我 會過著怎樣的生活
人生的這條路 要從哪開始學
走過這紛紛擾擾的世界 叨位是屬於我的所在
是青春無奈 時間不再 茫茫渺渺跋落幾次
假如還有下一擺 我會有什麼樣的了解
人生的選擇 哪有可能重來
參一些感慨 你嘛著愛忍耐
20805/《你嘛著愛忍耐》Lí Mā Tio̍h-ài Jím-nāi
朱海君Tsu Hái-kun
仝款一幫公車
kāng-khuán tsi̍t-pang kong-tshia
穿著袂退色的薄衫
tshīng tio̍h buē thè-sik ê po̍h-sann
一工又閣過去
tsi̍t-kang iū-koh kuè--khì
抑是一工又閣失去
ia̍h-sī tsi̍t-kang iū-koh sit--khì
吵吵鬧鬧的路
tshá-tshá-nāu-nāu ê lōo
行過偌濟年的風雨
kiânn kuè guā-tsuē nî ê hong-hōo
門邊的彼个位置
mn̂g-pinn ê hit ê uī-tì
敢若上了解我的辛苦
kánn-ná siōng liáu-kái guá ê sin-khóo
明仔載的我
bîn-á-tsài ê guá
會過著怎樣的生活
ē kuè tio̍h tsuánn-iūnn ê sing-ua̍h
人生的這條路
jîn-sing ê tsit tiâu lōo
欲對佗開始學
beh uì toh khai-sí o̍h
行過這紛紛擾擾的世界
kiânn kuè tse hun-hun-jiáu-jiáu ê sè-kài
佗位是屬於我的所在
tó-uī sī sio̍k-î guá ê sóo-tsāi
是青春無奈
sī tshing-tshun bô-nāi
時間不再
sî-kan put-tsài
茫茫渺渺
bông-bông-biáu-biáu
跋落幾改
pua̍h-lo̍h kuí-kái
準講猶有下一擺
tsún-kóng iáu-ū ē tsi̍t-pái
我會有啥物款的了解
guá ē ū siánn-mih khuán ê liáu-kái
人生的選擇
jîn-sing ê suán-ti̍k
哪有可能重來
ná-ū khó-lîng tîng-lâi
摻一寡感慨
tsham tsi̍t-kuá kám-khài
你嘛著愛忍耐
lí mā tio̍h-ài jím-nāi