作詞：江惠儀
作曲：江惠儀
今日佮昨日 敢有無仝 仝款一个 寒冷的夜
烏暗的橋跤 孤單一个人 綴著水流聲 唱入夢
一領破舊的紅 閘袂牢風寒
由在風咧戲弄 雨沃澹了衫
敢是佮我相仝 行了傷遠 袂得振動 毋願越頭嘛毋閃避
橋跤的人影 喝甲梢聲予誰聽
無日無夜 汗嘛綴著 河水流袂焦
一直踮佇遮 等待相仝的心情 只是今日 猶未等著 經過的人
日時佮暗暝 嘛是相仝 橋跤仝款 照無日頭
風沙搧袂停 一層一層咧疊 殘缺的衫 嘛會守護我的紅
覕著風 覕著雨 走袂離的寒 帶著苦 帶著傷 猶堅定咧等
橋跤的人影 喝甲梢聲予誰聽
無日無夜 汗嘛綴著 河水流袂焦
一直踮佇遮 等待相仝的心情 只是今夜 猶是等無 經過的人
等彼一工 跳落水岸 等彼一工 就會無仝(我會無仝)
換幾日專工收看 換幾段生份紀念
只是橋跤 猶是橋跤
仝款一个 寒冷的夜 仝款孤一个 徛佇橋跤
拍落風沙 一工閣過一工 仝款向望 今日會當無仝
橋跤的人影 等待相仝的心情
風雨緊大 掩崁我的孤單我的吼
身軀踮佇遮 靈魂綴著河水去做夢
做著一个 行袂振動的人 河水若焦 會看著沉落的紅