作詞：鄭國江
作曲：Luboff/Keith/Bergman
編曲：荀宏生
監製：朱穗平
討厭鬼，極惡作劇曳得滯，
討厭鬼，鬧佢佢又當狗吠。
學習情緒低，行為如爛仔，
儀容實惡睇，時時流鼻涕，
撩人同嗌交，完全唔蝕底，乘除加減不識計。
食嘢唔做嘢懶得滯，蠢得像肥豬仔，
練精同學懶佢識齊，成日到黑搗蛋兼倒米。
討厭鬼，若你覺悟冇關係，
討厭鬼，願你接受我鼓勵。
人人為你好，人材唔係曳，
前途在你手，才華無限制，
陋習求放低，人才毋浪費，童年光陰好寶貴。
亂吓同學仔冇乜謂？相尊重同守禮，
大家同讀書似兄弟，同學彼此，相匡相濟。
咪做討厭鬼！咪做討厭鬼！咪做討厭鬼！