作詞：廖士賢
作曲：廖士賢
雙跤大步 無想退路 油門盡磅 性命超速
風雨愈強 你就愈狂 講欲成功 離開故鄉
阿強阿強 你佇佗位 你的老母 佇咧揣你
嘉南平原 攏揣無你 敢講故鄉 你已經袂記
烏暗的路 暗崁悲傷 彼工的你 面色躊躇
kha-bang內面 去貯著啥物 你講真緊 就會轉來去
阿強阿強 你佇佗位 你的老母 佇咧揣你
嘉南平原 攏揣無你 敢講故鄉 你已經袂記
阿強阿強 你佇佗位 你的老母 佇咧揣你
嘉南平原 無聲無息 掖一杯土 佮你銘記
烏暗的路 暗崁悲傷 彼工的你 目睭紅蕊蕊
kha-bang內面 去貯著啥物 你講真緊 就會轉來去