唱：尹光 & 張美峯
作詞：潘一帆, 吳一嘯
作曲：古曲
編曲：周熾楷
生唱：映紅霞 寒寺遠
柳翠山青 景怡然
重重巒峯 和雲眷 和雲眷
山川靈秀賞盡麗色 天然...
記臨岐賢弟曾寄語
在長亭嚀囑 早歸旋
解館速歸 賢弟為我牽紅線 牽紅線
還贈我碧玉 媒自薦...
我穿疏林 掛住斜陽隊隊歸鴉現
映照鳥投林 振翼互相叫聲傳
今已日落江頭惹我心撩亂 心撩亂呀
謀與英台 一面
生白：賢弟話過
門前有三棵竹為記㗎噃
生唱：綠瓦紅牆樓一角
門前翠竹葉參天
信是祝家無疑 待我通傳求見
生白：有冇人呀
旦白：悔作還巢燕 書傳母病纏
父納文才聘 橫刀拆鳳鸞
梁兄 你姍姍來遲
又知否我為婚變而腸斷心碎
旦唱：萬愁煎 日夕驚惶 婚變
往事如煙 獨困深閨怨
縱使英台腸斷 相思空盼望
未見梁郎面
家嚴選婿 逼我共馬文才成屬眷
君你底事遲來 盈得心暗亂
又怕情如絮亂...
旦白：啊 梁兄
生白：祝 祝賢妹
生唱：翩躚裙前蝶 同窗訪粧前
今朝踐舊約
旦唱：你可知鳳侶是蘭弟變
生白：吓 原來祝賢弟係你 祝賢妹又係你呀
旦白：昔日為求學問 故而易釵而弁呀
生唱：枉我同睡三年矣 你嘅花容我看不穿
旦唱：我樂得君正直 甘願愛心牽
生白：我記得啦
阿士九成日都話你係女兒身
我係都唔相信 你話我幾蠢呢
生唱：到此方知鸞為鳳 天賜結鳳鸞
唱咗鸞鳳曲 彩鳳伴癡鸞
你臨岐暗示 我未瞭然
什麼寶鴨鴛鴦 詞盡愆
什麼相思井種 並頭蓮
什麼月姥祠中 同許願
什麼鴛鴦塚內 共長眠
我為離愁 心凄怨
你求凰意 我尚矇然
哦 原來你語語相關
暗示之言 重在我腦中出現呀
生白：唉 當時你話我幾蠢呢
係呢 世怕呢
等我拜謁佢老人家 求婚下聘至得
旦白：哎 梁兄 哎 其實
生白：其實乜野
旦白：梁相公
生白：哦 人蔘
旦白：老爺命奴婢獻上茶點
請食個紅綾餅啦
生白：哦 世伯真係有我心囉
生唱：接過紅綾手上拈
謝佢慇勤來奉獻 誠不愧大家風範
禮義週全 待我敬佛借花
半向賢妹獻 我哋紅綾共食
兩心甜 嗱
旦白：我唔食啦
生白：點解呢
旦白：因為我朝夕相思
把微病染 縱使紅綾甜似蜜
我當佢係蜜餞 川蓮
生白：吓 點解你咁講㗎
生唱：係呢 禮餅何來
我早在堂中 發現
生白：係呢 賢妹
堂前擺列禮餅多盒
究竟你府上 邊一位小姐出閣呀
旦唱：是是是
生白：啊 係你家姐 抑或細妹呢
旦唱：是是是
生白：係邊個呀
旦唱：是英台愚妹
生白：你呀 你答應愚兄婚約
你 你尚嫁何人呀
旦唱：我嫁嫁嫁
生白：你嫁邊個 你快啲講
你快啲講呀
旦唱：我嫁馬文才公子
生白：哎吔
生唱：我 我我 我怨句英台薄倖
嘆我山伯無緣呀
萬箭又向心中穿 哀此薄命嘅痴鸞
我偷將鳳怨 枉我情深情深佢情盡變
夢醒愛盡眠 利劍又向心中穿
枉費共讀有三年 我一朝受騙
斬斷情根情根情亦斷…
我恨妹你食言 啊
禮餅禮餅我對餅空自憐
哀賢妹情亦變
我命苦似黃蓮 我實難下咽心悲酸
怨紅綾奪我姻緣 將佢碎開邊
旦白：我哋緣已斷時情亦斷
生白：方知紅綾餅 是斷情刀呀
生唱：唉 敍會 偏教婚變遷
淚滴呀 衣襟 悔時延
旦唱：鴛禽 比翼 遭家嚴斷
唉一片哀聲 抱恨綿綿
悲淒淚下 真欲語無言
旦白：可嘆嚴親一意孤行咋
眼看大好姻緣 終成泡影
生白：愚兄 自悔三日誤佳期
到今方知鑄成大錯囉
生唱：唉 淚漣漣 苦矣亂心絃
堪悲切齒 我心間愛
願作官兒眷
旦唱：祇嘆命也如桃
偏惹那風波濤
唉蒼天 偏妒鴛鴦愛
未許美夢同圓
旦白：你記唔記得臨別之時
我向你多方暗示
仲假借代妹定婚
可證我芳心默許
生白：唉 愚兄蠢鈍無知
誠不解女兒婚事 回憶長亭十送
生唱：妹經對我細語
用鴛鴦暗示情心獻
生白：你話我幾蠢呢
旦唱：祇為你未解相關語
我倆致未能結鳳鸞 梁兄呀
生唱：賢妹呀
合唱：合歡花放 如夢空圓
旦唱：薄命花悲婚變遷
恨盡爹爹拆鳳鸞
生唱：來遲偏怨佳期誤
負了嬌約斷情緣 自嘆緣份淺
旦唱：更無
生唱：佳策
合唱：把恨海填
旦白：梁兄 堂前侍婢穿梭
不若同上樓台 再共訴相思之苦
生白：愚兄六神無主啦
旦白：梁兄請
生白：賢妹請
生唱：步重台 魂欲斷
怕見簷前雙飛燕 枉我似粉蝶繞裙邊
旦唱：牆外蝶戀嬌花...
生白：空說蝶戀花迷 相見爭如不見啫
旦唱：池內鴛鴦呀 戲水...
生白：鴛鴦戲水 我真係望都唔敢望
瞣得觸景傷情啫
旦唱：飛不過禮教藩籬
游不出封建無形 水線
生唱：欲種並頭花
反種出愁根恨果呀 遲來三日
無計煉石呀 補情天...
旦唱：我為孝於親 愧難忠於愛
嗟我父命難違 以遂佢虛榮 心願
生白：賢妹 若果你嫁入馬家
今後教我何以為人呀
生唱：斷腸人對 斷腸人
流淚眼看流淚眼
祇盈得恨史 永留傳
你負愛孝 於親 情侶倆斷腸
妹你一入豪門 我慘比風箏斷線
妹既逼作馬家娘 已固難為梁家婦
期諸來世 續前緣
怕憶長亭十送舊時情
一顆心靈 皆碎片呀...
旦唱：唉哥哥抱恨
生唱：妹妹 抱怨
旦唱：痛斷了姻緣
生唱：難忘燕侶
旦唱：永遠繫念
生唱：龍鳳餅碎心絃
旦唱：唉今生袂別
生唱：他生再見
合唱：美夢化輕烟 彩鳳鸞
慘矣變作變作 啼紅杜鵑
生唱：清心隔水碗千夜眠 都是緣呀
梁山伯為你心不變㗎
旦唱：可惜哥哥 哥哥你遲來
致使兩家難種並頭蓮
生唱：我奉還蝴蝶珮囉 信物無心帶恨存
旦唱：珮玉永贈君
珮玉永贈郎 留紀念 佩身邊
生唱：難結姻緣
又何必玉珮傷心見 我斷腸靈魂半歸天
旦唱：我心意萬千 情萬千 愁萬千
必為情忙不抱怨
生白：英台妹
我 我都係扯啦
生唱：應歸去矣 再莫留連
旦唱：慘矣分飛燕 相對淚花濺
生唱：我徘徊 復徘徊
與英台 倆心牽
合唱：纏綿復纏綿 心眷眷