唱：尹光 & 李敏華
作詞：唐滌生
作曲：古曲
編曲：周熾楷
旦白：鳳燭替人雙灑淚
魚更摧我獨傷神呀
旦唱：慚着鳳凰裙 愁看鴛鴦枕
春山 含顰怕憶風月痕
滿衣襟 滿衣襟
桃花血淚印 恨煞情天不相憫
巫山雨 楚峯雲 雨雨雲雲苦在心
長安一朵飄零杏
今晚夜玉棠難做李夫人
卻為花已成胎
又點共得李郎合巹呀
生唱：今宵慶合巹
解得相如恨何用再操琴
春滿玉樓笙歌襯
靜喜 靜喜桃源近
我願名花不謝 長伴 詩人
簾幕散幽香 燭花紅吐艷
若不是公子多情
又怎得佳人 共枕
生白：阿玄機
旦白：吓
生白：你今日得到落葉歸根
以後都怕唔駛再學啼蟬飄杏啦啩
旦白：君似東皇憐落葉
可惜我是殘花敗柳身啫
生白：冇相乾
生唱：睇你素馨花插綠雲鬢
陶醉我心魂
你駛乜背轉身啫 你駛乜背轉身
輕輕手抱瑤台月下人
旦唱：我身負了君 我心負了君
生白：有乜嘢負我啫 你何必咁憂怨呢
旦白：我呀
旦唱：我自有所抱憾 勸君休再問
生白：睇見你多愁善感 你唔好咁傷心啦
旦白：你有所不知㗎啦 李公子
生唱：癡人 癡人何用常抱恨
此身甘化碟 紅樓傍繡裙
旦唱：花 已無香
惟有限 詩人衹合吊花魂
我魚玄機 已屬殘脂粉咯
斷腸者 空對熱腸人
無限思量 又覺腹中難忍...
生白：玄機 玄機
玄機 你點呀玄機
旦白：哎吔
生白：吓 有蘇蝦叫嘅
生唱：哦哦哦
原來開花結子 真係雙喜來臨呀
生白：我都可謂一頭彩囉
生唱：難怪龍鳳燭 佢紅淚長垂
憐我呢個新郎 倒運
未同床 先有子
我雖然量大 也難堪
今晚洞 房春 竟成幻夢
苦煞情海 癡人
生唱：唉 燈下徬徨
仲講乜嘢共諧衾枕 唉
旦白：李公子
生白：點呀
旦唱：我已到這般田地
唯有一死斷送香魂
今日孽種都既已離身 我願在君前自刎
生白：點呀 咪咪咪咪咪咪
哎吔 你須知螻蟻尚且貪生
你又何必犧牲得咁笨呢
你要知道噃 情可了 緣可了
但係孽債不可了
試問你一死 就誰憐此禍根呢
千祈唔好呀
旦白：係噃
生唱：我不是摧花蝴蝶
何忍見花落香塵呀
自古名花飲恨為多情
你何不一訴淒涼嘅底蘊呀
旦白：李公子
生白：你話我知啦
旦唱：情愛是愁根 種出人間恨
愛河情海 葬盡幾多人
我改節為金錢 欲解郎監禁
致有無睱碧玉
留得點點 污...痕
生白：陰公囉
旦唱：含淚入君門 實有滿懷悲憤呀
生唱：唉 都係黃金作崇呀
拆散呢對鳳凰禽
福薄緣慳休再問 夫妻骨肉要還人呀
生白：阿玄機
生唱：你快去都莫留連
生白：抱埋你個蘇蝦走啦
生唱：再續你嘅未完情份呀
旦白：李公子
旦唱：難得你汪涵海量
生白：你估我想㗎咩
旦唱：寬恕呢個薄命釵裙
惟有默祝來生
生白：祝乜嘢呀
旦唱：再侍郎衾枕呀
生白：唉 阿玄機
有今生㗎啫 邊到有來世㗎
生唱：我惟有疊埋心水 拈燈送玉人呀