作詞：龐秋華
作曲：古曲
(洛水神仙)
宛貞 宛貞 一句呼來腸一斷
為什麼宓妃魂魄都應無聲呢 宛貞呀
金帶枕兒脂粉剩
可憐人去不留情
我唯有抱枕獨眠 尋夢境
胭脂 雨態 雲情
鶼鰈重逢於冷夢
不化樑間燕子鳴
乍聽下幽聲呼叫我
江邊偎枕太痴情
子建呀 子建 你睜開眼 睇吓我係邊個黎
哦 宓姐妳呀
復見卿卿 心喜還驚
恰似牛郎織女星
宓姐 今晚俾我見番妳咯
妳 妳跟我返去啦
嚇 唔得嘅 唔得呢
點解啫
望鑒愚誠
碧海紅塵情已盡
不須終日憶飛瓊
你再唔好憶我啦 你再唔好想我啦
你再唔好念我啦子建
哎也宓姐 宓姐 妳共我一往情深口㗎嘛
我點可以話唔憶妳 唔想妳 唔念妳呢
妳是鬼是人無所謂 我但求眷屬可終成呀
我情甘夜夜伴香屍 勝似身邊無艷影
仙凡有別難相聚 莫記盟山誓水情呀
昔日魏宮人 已作洛川神女
愛河不復 再飄萍
此日下南湘 乃因念舊而來
欲把痴心人喚醒
君是棟樑材 應作擎天玉柱
莫因情愛誤聰明呀
我從今不復愛紅塵
但愛仙山泉水靜
哦 原來妳做左洛水神仙呀
係呀
係咁 我又跟妳去做洛神嘅伴侶啫
點得嘅呢
點解唔得啫
宓姐 共妳做一對神仙侶 心上更溫馨
我共妳不離一步 影隨形
洛水仙洲尋月影 瓊樓玉宇聽簫聲
仲好過流浪紅塵悲冷靜 我不願為詩聖
祇願仙容永對 聊補我破碎心靈
妳帶埋我去啦
我不是雲英 正如花薄命
偏教才子用深情
你家有嬌妻 何必要任情 任性
宓姐 唔通連妳都唔明白我咩
雙飛燕子未成 孤凄悲隻影
既有夫人日相對 勸君燕好盡情
雖有德珠 實在不相配 真不相稱
實在夫妻要相敬 歸去莫遲 雙棲多美景
妳知道未曾 強合情不永
我對德珠無印象 無愛都更無情
我曾嫁你兄王 關睢難再詠
若果愛情無寄托 倒不若愛國愛詩名
我凌波微步轉瑤池
宛貞 宛貞 宛貞呀
唉 翩若驚鴻留艷影
宛貞
我念洛神為作賦
可憐恨海未填平
(多謝 好多謝)
(多謝)
(謝曉瑩唱得好無聽啊 不嬲都話你好聽㗎啦
你慢慢講嘢啦)
(多謝 多謝
多謝大家嘅掌聲吓 我好緊張啊
因為第一次唱芳艷芬嘅歌
第一次模仿佢嘅唱腔啊吓
咁希望大家唔好嫌棄我呀
學得唔係咁似啊吓
咁呢係呢個時候呢
不如以掌聲請出曾慧小姐同尹光先生
唱合一曲琵琶行 有請)