作詞：陳劍雲
作曲：古曲
牛奶喺邊度嚟o架
呀靚女問我牛奶喺邊度嚟嘅 牛奶咪喺個牛嗰度嚟囉
咁喺牛嘅邊度揸出嚟o架
咁你都問得出 你唔怕羞嘅咩唏喺隻牛嘅嗰度
唏唔好問啦 唱俾你聽啦
揸......揸......
鮮奶搵隻手搏命去揸 電腦發展威脅之下
全部人力唔用求自動化 快趣過每隻去揸
搵兩餐晏仔繼續去揸 就算我揸頸都咁話
人為財直情做牛做馬 乜嘢都要揸冇辦法啦
走去揸貨車眼力太差 揸掃把掃街我又怕
揸鳥鎗解款碰著賊亞爸 唏嚇到腳軟叫阿媽 阿媽 阿媽
嚇咁大個人仲要叫阿媽
叫阿媽唔俾咩 我鍾意叫吖你吹咩唏
揸......揸......
揸結他唱歌我做唱家 唱到我索氣都咁話
正當我主唱入神入化 聽眾掟碎我嘅結他
揸老闆靚車我又刮花 我聽炒兼俾老闆話
去街市開檔賣鵝賣鴨 揸菜刀殺雞我又怕
揸個兜靠乞細路喊打 啲丐幫似足惡霸
揸兩揸我都冇定去揸 我冇曬志氣實聽瓜
揸呢樣又話唔得 揸嗰樣又話唔得 唔鬼揸啦你同我揸啦唏
揸......揸......揸......