作詞：潘一帆
作曲：古曲
唉 真個是天有網 我嘅罪無疆
一回懺悔 一斷腸
誰叫我一念貪淫 今日招罪降
正係萬惡淫為首 我錯戀杏花香
可憐我大好家庭 竟是由我喪啊
上有慈祥父母 下有淑德妻房
怎料個嬌俏嘅女傭 銀姐引得我情放蕩
記得我幾回嚟挑逗佢 好比粉蝶憐香
嗰陣話妾愛又話郎情 真正係冤孽賬
仲講乜嘢共把風流享 所以我橫刀奪愛
不惜辣手殺害佢嘅夫郎
到今日果報循環 逃不脫恢恢天網
唉想我就沙安伯 我做人就太過邋遢
我原本係有嬌妻 何必做成咁鬼賤格
我恃住老竇係千總嘅大老爺 有好人唔做學古惑
阿媽佢縱到就我出骨 索嘢就全靠師爺幫我行策劃
請著阿銀姐嚟做我近身 點不知啱啱遇著呢嗰脂粉客
我用盡千方百計就去偷情 難怪人嗰老公梗係心胸狹
嗱淫人妻子梗係笑呵呵啦 不管果報循環我行暗殺
話殺人填命理本該 唉 我奉勸世人咪學我沙安伯
原來一舉一動有鬼神知 點知瞞得世人唔呃得菩薩
做人要磊落就要光明 千祈唔好就學得我咁衰格
勸句就好青年 貪淫就會犯法
小則就影響前途 大則會將頭殺
船到江心就補漏遲 須知所作所為都要負責
我父大義滅親 綁子到公堂嚟認罪
佢甘願毀滅那倫常 所謂慈母多敗兒
只曉得慣養嬌生 佢將我縱成咁放蕩
我死不足悲 可憐閨中個淑婦
從此為我孀守 淒涼
唉 我人將死 都要懺前非
無奈等候嗰個無常 佢帶我離世上
我奉勸世人千祈咪學壞 咪過學我如此收場