尹光 & 胡美儀
作詞：潘一帆
作曲：古曲
唉吔 唉吔 銀姐呀銀姐
我病得好辛苦呀
你快啲入嚟服待下我啦 銀姐
就嚟喇 煲好藥至嚟得吖嗎
嘻嘻 得咗啦
我在夢裡猶喚叫 詐病詐得妙
痴心一片我為愛嬌 為她種情苗
願化同命鳥樂逍遙
呢 我詐病詐得妙
須知三少痴纏 我為愛阿嬌
我心愛慕 用計挑
盼她今晚赴約藍橋
佢美艷俏妙
我相思朝晚思量 奪佔阿嬌
想計劃再用意表
與她身葬在那情潮
我愛她廿寸腰 盼她慰藉聊
痴心常護照 實覺相思難療
唉吔 唉吔 銀姐
我想得你好辛苦呀
你仲唔嚟來服待我
哦嚟啦
嘻嘻 得咗
又聽少爺喚叫 我應完又試眼眉調
佢叫完又叫 我心兒焦
郎莫個貪色笑 晚晚捱通宵
佢真奄尖 幾時到第二朝啫
三少爺佢曉詐嬌 聲聲呻揾心藥療
我明知佢意表
唔冷唔熱 碗藥都怕啱飲㗎啦三少
飲藥呀
飲咗少爺就退燒 包保得奇效
還望你 即刻飲去毋用治療
就飲就好 唔過明朝早 飲啦
你灌我啦
嗱 請看我嘅病情好緊要
你摸下我個心啦 卜卜聲跳㗎銀姐
我望嬌 你用心灌藥來照料
咁醜點灌啫
唔怕哩
嗱 你無用怕
你含藥灌我病能消
嘴對嘴咁唔係得囉
唔得㗎
怕你嬌妻見 嗰陣時就不得了咯
唓 閂埋度門邊到有人見啫
哈 原來你成晚用情挑 你居心真難料
我忙力抱 哈哈 狠狠一吻何勞借藥療
哎呀 夾硬錫人面珠嘅 我真係唔制呀
哈哈 當堂病都冇晒咯 銀姐
騙得伊人一吻真高超
寧舍香甜真係俏
一吻治相思 真係香艷咯
憎鬼死你呀三少
你頑皮精乖又詐嬌
你飛擒大咬仲要呱呱叫喎
求人灌藥為名 錫人面珠為實嘅
我唔肯過你呀
唔出綽頭點索倒你呢
你夠風騷 又夠嬌嬈
我愛你情深要慰寂寥
我好愛你㗎銀姐
你究竟知唔知道呀三少嘅心事呀你
我有夫君 枉你種情苗
你家有賢妻咪咁無聊