作詞：佚名
作曲：古曲
盲人抱怨 丈人實太尖酸
悲歌意亂 傷心空嘆目盲莫見天
於今經已月缺難圓 無言
紅顏綠鬢偷自怨
佢為檀郎暗牽
芳心已倦 怎得天復見
我彈箏空訴願
斷了相思線
自嘆惹下情愛纏綿
此生休再玉簫戲鳳鸞
荼薇化春煙
韶華似飛箭
殘破此生 寒灰一串
便是翠繞春光
任它變遷 任它變遷
修得再世願
情天那邊 情天那邊
思憶並頭蓮
聽琴音 知彼意
真怕佢低頭無語
我更心似油煎
無可奈 強歡容
唯有解慰一番
親把玄霜奉獻
年哥 年哥
做乜你唔睬我呢
你乖乖哋飲咗碗藥先啦 年哥
唔飲呢
哎 年哥 我又冇對你唔住
點解你要咁對我呢
雲妹 你原諒我
我唔會好㗎啦
你唔好咁對我好唔好呀你
唉 玉人為我癡心盼團圓 難圓
婚姻未變遷
我細彈玉箏似懷念
妹因我 誤華年
唯有暗自裡悲酸
你若嫁此盲人
定抱終身怨
不該抗令尊
應該嫁大川 你莫為我打算
哎年哥 哎年哥
你去邊呀 有冇撞親你呀
哎吔 你唔好郁
我隻眼好似睇到嘢啦喎
你件衫係咪粉紅色㗎
係呀
你隻耳環係咪綠色㗎
係呀
哎吔 雲妹
我見到嘢啦 雲妹
哎吔 咁真係安樂晒囉 年哥
你雙眼真係見到嘢啦
咁我真係謝天謝地咯
不枉朝朝暮拜 叩蒼天
雲霧撥開 撥開
重見那月團圓
中了淡掃娥眉願
眼見雲英偷偷笑呀
意呀意可堅
真心相愛就長作伴
我哋舊情有情夢也牽
鴛鴦不變
長住於樂園裡
共結白頭緣
妹你 妹你如月中仙
君也 君也貌翩翩
錦繡才華自有知音見
永心相愛憐
哎呀小姐呀
感恩深似 似天
睜開了眼見你玉容更嬌豔
好似有情並蒂蓮
嗱 望下對樑上燕 燕飛天
我此日光明重睹
更喜花好月圓