作詞：潘一帆
作曲：古曲
哎也哎也 銀姐呀銀姐
我病得好辛苦呀
你快啲入黎服侍下我啦 銀姐
就黎喇 煲好藥至嚟得呀嘛
嘻嘻 得左啦
我灰夢裡猶喚叫
詐病詐得妙
痴心一片我為愛嬌
為她種情苗
願化同命鳥
樂也逍遙
呢我詐病就詐得妙
須知三少痴纏我為愛阿嬌
我心愛慕用計挑
盼她今晚赴約藍橋
佢美艷俏妙
我相思朝晚思量奪佔阿嬌
想計劃用意表
與她身葬在那情潮
我愛好廿寸腰
盼她慰寂寥 痴心常護照
實覺相思難療
唉呀唉呀 銀姐
我想得妳好辛苦呀
你重唔入嚟服侍我
哦黎咯
得左
又聽少爺喚叫
我應完又試眼眉調
佢叫完又叫我心兒焦
郎莫個貪色笑
晚晚捱通宵 佢真懨尖
幾時到第二朝呢
三少爺佢曉詐嬌
聲聲呻 搵心藥療
我明知佢意表
唔冷唔熱
碗藥都怕啱飲㗎咯 三少
飲藥呀
飲左少爺就退燒
包保得奇效
還望你即刻飲去毋庸治療
就飲就好 唔過明朝早 飲啦
你灌我啦
請看我嘅病情好緊要
你摸下我個心啦卜卜聲跳㗎 銀姐
望嬌用心灌藥來照料
咁醜 點灌姐
唔怕啦
你無用怕 你含藥灌我病能消
咀對咀唔係得囉
唔得嘅
怕你嬌妻見
個陣時就不得了囉
車 閂埋度門邊到有人見姐
哈 原來你成晚用情挑
你居心真難料
我忙力抱 恨恨一吻何勞借藥療
哎呀 夾硬錫人臉珠嘅
我真係唔制啊
當堂病都冇晒咯銀姐
騙得伊人一吻真高超
寧舍香甜真係俏
一吻治相思 真係香艷咯
憎鬼死你呀三少
你頑皮精乖又詐嬌
你飛擒大咬重要呱呱叫呀
求人灌藥為名
錫人面珠為實 我唔肯過你呀
唔出綽頭又點索倒你呢
你夠風騷夠嬌嬈
我愛你情深要慰寂寥
我好愛你㗎銀姐
你究竟知唔知道阿三少嘅心事呀你
我有夫君 枉你種情苗
你家有賢妻咪咁無聊