作詞：佚名
作曲：古曲
(公主今日就係我哋倆個人成親嘅好日子呀
所謂大登科金榜題名 小登科洞房花燭
春宵一刻值千金 公主你好應該請為夫入房㗎嘛)
(哈 駙馬)
(吓)
(你今日嘅駙馬爺 係點樣得返嚟㗎)
(皇帝封㗎啦)
(哈 若果唔係本公主奏知父王 你想做駙馬都怕幾難嘞)
(吓)
(如此說來 應該你請本公主入房至啱呀)
(乜嘢話 男人大丈夫七尺昂藏 叫我請你入房真係笑話嘞
你請我入房至啱㗎公主)
(哈 咁言則上你即係唔肯請本公主入房啦)
(幾大都唔請 一於唔請)
激氣激氣令奴難下氣 點忿氣相請你 點忿氣相請你
哼你不請我就唔呀唔入去 對唔住 夜啲啦
夜啲夜啲 風猛就冷到你死
哈哈 我死呀 我死我死就需要你執手尾
等你等你就成世獨守香閨裡
嗰陣搵人共你冚被嘞
哈 我未必要你
我未必要你 大可以離異
我未必一定要有妻子
你負愛負約不怕死 怕你未敢逆我君聖旨
哼前程盡棄 好應快快離異
你咪當閒事 你太不是 你太不是 你太不重禮儀
哼你 你你 你未識情義
實在無味 實在無味
你應該要常記起 應該要常記起
(記乜嘢呀)
我有話過㗎 我要你受氣呀
我為咗愛你 就立亂騙你 等你嫁入我屋企啦
一於我論正家規將你訓示
(怕未)
舊約推翻你都要顧住
(好嬲咩)
你即管憤怒 我一於係少理啦
乜得咁易 你應該共我面君再辯詞
(好呀)
我同你去面帝皇 判教一死
(你真係敢同我見父皇 我係皇帝女 皇帝都要就我幾分呀)
(我夠係駙馬咯 你當我腐竹呀 去咪去)
(哈你 你你蝦我 你唔請我入房
我自己入 你喺外邊諗清諗楚啦)
(喂喂喂喂喂公主 咁我呢
你就高床暖枕 淨番我喺度捱凍呀
唔係啦 俗語話 兩公婆打交 床頭打交床尾和
拍門就有房瞓嘞喂)
(公主開門呀)
(邊個呀)
(駙馬爺呀)
(哦 除非你斟茶認錯啦 唔係你就快啲躝屍呀)
唉 真係奇奇奇 嬌妻叫我話去躝屍的確係奇
嬌妻叫我話去躝屍的確係奇
你係都唔認錯就凍到你死啦
咁樣搞法確係奇
嗱良辰容易過 良辰容易過噃
你乜咁笨唔願理 你真冤氣
夫妻鬥氣講和唔容易
共訂白頭 時常鬧吓 咪當耍花槍根本無問題
若果時時就你 蝦我激我一世咁就難下氣 我都不想理啦
我哋 我哋夫妻要和氣親蜜 莫過存心激氣呀
你個冤家真正係太奀皮
嘻嘻其實係倆公婆激乜鬼氣呀
我共你講得咁多 費事成成日費心機
嚟啦 嚟啦
嚟啦
嘻嘻我哋 我哋倆夫妻
相親相愛到白眉