作詞：阮眉
作曲：古曲
舊日嘅女性只識嗟嘆怨命 懦弱又怕醜兼夾多病
深閨需幽靜 婚姻好比買賣 又靠占卜去決定
生仔生到心都驚 畀家婆蝦到嗌救命 當佢係副機器咁擰
就算更叻都冇用 根本睇低女性 卒之要起革命
現代嘅女性認真巴閉夠勁 學問又夠叻專創新穎
衝出咗家庭自己挑選對象 共你拍拖至決定
指揮工作似操兵 威過三軍總師令
夠曬活躍真正勁 令到社會進步
顯出光輝女性 應該要多讚穎
有部份嘅女性思想開放到盡 浪漫又野心不慣孤靜
佢不關心家庭 夫妻雙方決裂 令到婚姻欠穩定
嗱匿喺屋企冇得傾 洗衫煮飯嗌救命
佢愛活躍不愛靜 又到老公抗議
娶到超級女性 先生要起革命
但願女性應該知道使命
事業共湊仔點去兼併
不要疏忽左家庭 夫妻分擔責任
互有了解去兼併 邊樣重時邊樣輕
事業家庭要秤一秤
最怕係思想錯認 盡晒女人責任
都有光輝貢獻 不要需解革命