作詞：呂明光
作曲：古曲
等我落返半邊百葉窗咋 我最驚又會被人望
嗱有個陰濕靚女實會裝嘅 呢我昨晚衝涼就領檔
佢偷偷看 偷偷望 好彩嗰陣我仲未脫清光
佢太過猖狂 佢係女色狼 即刻畀佢窒到我成頭汗
唉我想告狀難成罪案 雖則佢係癲癲戇
衙門未信有女色狼 皆因世間那有淑女把男兒望
碰啱個係男人婆樣相 佢原來係隻女色狼
你亦要小心咪將佢衝撞 喺地下鐵巴士
明明係佢太瘋狂 大派啲生藕露背袒胸多開放
遇到耷車撞正佢胸膛 一聲非禮就嚇到魂離蕩
所以落上要大方 見到靚女你莫個兩頭望
碰啱招積索女辣過薑 話你色狼你就領檔
佢兜心撐兜心撞 醫返無用你實聽殃
就算你係好人 不會戥你淒涼
皆因此際係 以女權為上