作詞：杬眉
作曲：古曲
擔返口大雪茄 返鄉下又探親友囉
執到正夠醒目 個個估我身家厚
識到位女友 佢羨慕香港客
要做對好佳偶 我話香港有層樓
做經理薪水厚 其實我係個小工友咋
租半間徒置屋 氣味冤又臭
細個似番梘盒 間房重亂過狗竇
尋伴侶 鬼會將我吼咩
返鄉下求鳳友 點知到亦難求
要利是酒席費 又要生活費
一切要供給夠
(唉 原來鄉下啲女仔 個個虛榮心重到不得了
重估我哋香港人個個都發達 片地黃金好容易搵錢
我又唔衰得架嘛 又未有老婆 幾大都呃住佢先啦
點知娶咗佢返嚟 慘啦始終會穿煲 一穿煲當堂變晒啲白鴿眼)
認真係冇收 穿煲俾佢追瘦
女友反目 話俾我呃得透喎
當初認富有點不知充生晒 我係塊空心藕
佢心中愛自由 鍾意香港客 財又有物質都有
申請到香港 各樣要享受夠
香港到處都失業 冇身份証重更苦透囉
其實你喺中國不必憂
香港地 窮亦有 咪估我身家厚
你話實好願嫁或者不願嫁 都要諗通透