作詞：張燕清
作曲：張燕清
妳聽咱行過的路
有外多花開花落的聲
為我你哭過 為我妳認命
我的心刻你的名
妳看咱做過的夢
有外多春去春來的影
一路行到這 一路為我拖磨
袂用什麼來感謝
冬天的風 有妳溫暖的陪伴
熱天的雨 有妳替我穿雨蓑
秋天的落葉 有咱倆人的腳步聲
如果妳像春天的花
如果妳不願像花謝
我願為妳變土沙
------------------------------------------
8732/《情沙》Tsîng-sua
阿吉仔A-kiat--á
你聽咱行過的路
lí thiann lán kiânn--kuè ê lōo
有偌濟花開花落的聲
ū guā-tsē hue khui hue lo̍h ê siann
為我你哭過
uī guá lí khàu--kuè
為我你認命
uī guá lí jīn-miā
我的心刻你的名
guá ê sim khik lí ê miâ
你看咱做過的夢
lí khuànn lán tsò--kuè ê bāng
有偌濟春去春來的影
ū guā-tsē tshun khì tshun lâi ê iánn
一路行到遮
tsi̍t-lōo kiânn kàu tsia
一路為我拖磨
tsi̍t-lōo uī guá thua-buâ
欲用啥物來感謝
beh iōng siánn-mih lâi kám-siā
冬天的風
tang-thinn ê hong
有你溫暖的陪伴
ū lí un-luán ê puê-phuānn
熱天的雨
jua̍h-thinn ê hōo
有你替我穿雨幔
ū lí thè guá tshīng hōo-mua
秋天的落葉
tshiu-thinn ê lo̍h-hio̍h
有咱兩人的跤步聲
ū lán nn̄g-lâng ê kha-pōo siann
如果你像春天的花
jû-kó lí tshiūnn tshun-thinn ê hue
如果你毋願像花謝
jû-kó lí m̄-guān tshiūnn hue siā
我願為你變塗沙
guá guān uī lí piàn thôo-sua