〔原自歐西歌曲'Banjo On My Knee'／電影(四鳳求凰)插曲〕
作曲：Stephen Foster
凡係做餸菜，首先要識得撚兩味；
唔係認架勢，呢餐餸款款皆精美。
羊肉燉水魚，煲豬腳，青椒炒鴨脾；
蠔油焗乳鴿，甘香酥脆，花生炇豬尾。
四菜一湯，通通都極肥膩；
如若二家姐一睇見，包佢嘔心兼谷氣。
完全係鬥氣，皆因佢把口衰到死；
撩事又招非，真可惡，囂張不講理。
佢常患胃痛症，呢一次擔保必氣死；
仇恨定要報，施詭計，出番一口氣。
佢性格偏僻，最怕食肥膩；
唔食又冇餸，嬲死佢，一於好少理。
完全係鬥氣，皆因佢把口衰到死；
撩事又招非，真可惡，囂張不講理。
佢常患胃痛症，呢一次擔保必氣死；
仇恨定要報，施詭計，出番一口氣。
佢性格偏僻，最怕食肥膩；
唔食又冇餸，嬲死佢，一於好少理。