作詞：陳政亮
作曲：陳秋山
想袂起來，妳的面容，心內感覺，淡薄仔罪惡；
敢是因為，自己放蕩，放捨著妳，故意遺忘。
嗯，我毋知影自己到底是咧走揣什麼理想？
彼段日子總是過了迷迷茫茫；
嗯，妳是不是像妳講的遐爾堅強？
敢有揣著我無予妳的幸福？
毋敢面對，妳的面容，徛遠遠看，忍不住激動。
若講無話，何必相逢，胡思亂想，全無膽量。
嗯，我知影這世人無可能對妳有什麼補償，
所作的一切嘛毋敢求妳原諒；
嗯，我不是像妳想的遐爾快樂，
我毋知影揣著的敢是叫做幸福？
若講無話，何必相逢，啊∼
妳在夢中，親切如常，講無啥要緊，小寡的傷。
放我飛去，溫柔包容，如今回想，痛苦難當。
嗯，我毋知影自己到底是咧找揣什麼理想？
彼段日子總是過了迷迷茫茫；
嗯，妳是不是像妳講的遐爾堅強？
敢有揣著我無給妳的幸福？
嗯，我毋是像妳想的遐爾快樂，
我毋知影揣著的敢是叫做幸福？