作詞：陳政亮
作曲：陳秋山
毋敢對你講，我愛的無相像，驚你討厭我，講我癩疴人。
定定聽你講，未來的希望，你的人生路，我毋是彼个人。
因為迷戀著你眼神的閃亮，煞來袂記你愛的毋是我這款人；
每擺的感情攏是靈魂的考驗，這世人敢著永遠掩掩抑抑？
想要對恁講，我愛的無相像，驚恁來受氣，傷心目眶紅。
定定揣理由，離家十偌冬，孤單來生活，永遠一个人。
因為知影恁袂改變的觀念，何必對恁來解釋加講加阿雜；
自己的將來毋免爸母來承擔，這世人算來嘛是輕輕鬆鬆。
想要對你講，咱的愛攏相像，世間的束縛，毋免看傷重。
牽著你的手，為你來勇敢，我的感情路，美麗的今暗。
因為追求著真正自由的感覺，何必堅持啥款身分啥物款的人；
每擺的交換攏是真情的敨放，這世人算來嘛是水水噹噹。
每擺的交換攏是真情的敨放，這世人算來嘛是水水噹噹。
--------------------------------------------
咱的愛攏相像
詞: 陳政亮
曲: 陳秋山
不敢對你講，我愛的不相像，
驚你討厭我，講我癩痾人。
常常聽你講，未來的希望，
你的人生路，我不是那個人。
因為迷戀著你眼神的閃亮，
煞來忘記你愛的不是我這款人；
每次的感情都是靈魂的考驗，
這世人甘著永遠掩掩抑抑？
想要對恁講，我愛的不相像，
驚恁來受氣，傷心目眶紅。
常常找理由，離家十外冬，
孤單來生活，永遠一個人。
因為知影恁不會改變的觀念，
何必對恁來解釋加講加阿雜；
自己的將來毋免爸母來承擔，
這世人算來嘛是輕輕鬆鬆。
想要對你講，咱的愛攏相像，
世間的束縛，毋免看上重。
牽著你的手，為你來勇敢，
我的感情路，美麗的今暗。
因為追求著真正自由的感覺，
何必堅持啥款身份什麼款的人；
每次的交換都是真情的解放，
這世人算來嘛是水水噹噹。