23832/《歹物》Pháinn-mi̍h
曾心梅Tsan Sim-muî
當初看伊真君子
tong-tshoo khuànn i tsin kun-tsú
外表也斯文
guā-piáu iā su-bûn
誰知咱來談真情
siáng tsai lán lâi tâm tsin-tsîng
伊就無分寸
i tiō bô hun-tshùn
敢講世間的男性
kám-kóng sè-kan ê lâm-sìng
攏是遮可恨
lóng-sī tsiah khó-hūn
若是對伊愈吞忍
nā-sī tuì i jú thun-lún
伊就愈過份
i tiō jú kuè-hūn
青春啊青春
tshing-tshun--ah tshing-tshun
一生只有一擺
it-sing tsí-ū tsi̍t-pái
人生啊人生
jîn-sing--ah jîn-sing
毋是只有戀愛
m̄-sī tsí-ū luân-ài
過去啊過去
kuè-khì--ah kuè-khì
何必囥在心內
hô-pit khǹg tsāi sim-lāi
感情這款物件
kám-tsîng tsit khuán mi̍h-kiānn
你知知我知知
lí tsai-tsai guá tsai-tsai
囥久就會變歹
khǹg kú tiō ē piàn pháinn