作詞：張路
作曲：李秉宗
別人的心愛攏是有情沒悲哀 笑阮的心誰人知空等待
心事說袂出來 不應該也得愛 換來無情傷害擱一擺
歸去越頭作阮行 不願擱乎你來孤晟 哪將阮當作軟者是沒卡誓
不知他現在誰人陪 多情人傷心才速配 恐驚在街路遇到講攏無話
歸去越頭作阮行 不願擱乎你來孤晟 哪將阮當作軟者是沒卡誓
嘴皮是講要作陣行 沒想你乎阮心畏寒 當作咱的過去空拖磨
10285/《越頭做阮行》Ua̍t-thâu Tsuè Gún Kiânn
曾心梅Tsan Sim-muî
別人的心愛
pa̍t-lâng ê sim-ài
攏是有情無悲哀
lóng-sī ū-tsîng bô pi-ai
笑阮的心
tshiò gún ê sim
啥人知空等待
siánn-lâng tsai khang tán-thāi
心事講袂出來
sim-sū kóng buē tshut-lâi
不應該也著愛
put ing-kai iā tio̍h-ài
換來無情傷害
uānn lâi bô-tsîng siong-hāi
閣一擺
koh tsi̍t-pái
規氣越頭做阮行
kui-khì ua̍t-thâu tsuè gún kiânn
毋願閣予你來姑情
m̄-guān koh hōo lí lâi koo-tsiânn
若將阮當做軟汫
nā tsiong gún tòng-tsuè nńg-tsiánn
是無較縒
sī bô-khah-tsua̍h
毋知伊現在啥人陪
m̄-tsai i hiān-tsāi siánn-lâng puê
多情人傷心才四配
to-tsîng-lâng siong-sim tsiah sù-phuè
恐驚佇街路搪著
khióng-kiann tī ke-lōo tn̄g--tio̍h
講攏無話
kóng lóng bô uē
規氣越頭做阮行
kui-khì ua̍t-thâu tsuè gún kiânn
毋願閣予你來姑情
m̄-guān koh hōo lí lâi koo-tsiânn
若將阮當做軟汫
nā tsiong gún tòng-tsuè nńg-tsiánn
是無較縒
sī bô-khah-tsua̍h
喙皮是講欲做陣行
tshuì-phuê sī kóng beh tsuè-tīn kiânn
無想你予阮心畏寒
bô siūnn lí hōo gún sim uì-kuânn
當做咱的過去
tòng-tsuè lán ê kuè-khì
空拖磨
khang thua-buâ