＊彼張手中舊相片 是阮阿爸阿母少年時
為著生活這幾年來也攏無機會好好陪伴恁
＃看恁滄桑的背影 一步一步慢慢行
感謝父母辛苦晟養阮這大 恩情親像山
△過去我早無勇氣 大聲講出我愛你
出外來打拼這多冬 看遍人情冷暖
才知厝內是阮的永遠避風港 請恁你等待阮出頭天
Repeat ＊,＃,△
------------------------------------------
9996/《恩情親像山》Un-tsîng Tshin-tshiūnn Suann
劉佳軒Lâu Ka-hian
彼張手中舊相片
hit tiunn tshiú-tiong kū siòng-phìnn
是阮阿爸阿母少年時
sī gún a-pah a-bú siàu-liân-sî
為著生活
uī-tio̍h sing-ua̍h
這幾年來
tsit kuí nî lâi
也攏無機會
iā lóng bô ki-huē
好好陪伴恁
hó-hó puê-phuānn lín
看恁滄桑的背影
khuànn lín tshong-song ê puē-iánn
一步一步慢慢行
tsi̍t-pōo-tsi̍t-pōo bān-bān kiânn
感謝爸母
kám-siā pē-bú
辛苦晟養阮遮大
sin-khóo tshiânn-ióng gún tsiah tuā
恩情親像山
un-tsîng tshin-tshiūnn suann
過去我怎無勇氣
kuè-khì guá tsuánn bô ióng-khì
大聲講出我愛你
tuā-siann kóng-tshut guá ài lí
出外來拍拚遮濟冬
tshut-guā lâi phah-piànn tsiah tsē tang
看遍人情冷暖
khuànn-piàn jîn-tsîng líng-luán
才知厝內
tsiah tsai tshù-lāi
是阮的永遠避風港
sī gún ê íng-uán pī-hong-káng
請恁等待阮出頭天
tshiánn lín tán-thāi gún tshut-thâu-thinn