我來唸歌囉 呼恁聽噫 不免卻錢啊免著驚呀
勸恁做人著端正 虎死留皮啊人留名唉
講甲當今囉的世間哩 鳥為食亡啊人為財死啊
想真做人擱著嗨嗨 死從何去生何來咿
咱來出世囉 無半項哩 空手戽魚也攏相同唉
勸恁做人著打拼 惡毒害人啊仙不通唉
講甲人生囉著愛想噫 忠孝做人啊有較長唉
榮華富貴不通想 總是命運免憂愁咿
我叫朋友囉 著做好哩 人生做人啊那眠夢唉
勸恁做人著志氣 小小生理啊會賺錢唉
講甲事業囉百百款哩 恁那勿嫌啊怎艱難唉
我勸世人做好代 打拼的人會發財咿
《勸世歌》Khuàn-sè-kua
鄧麗君Tīng Lē-kun
咱若是戀愛的時代
lán nā-sī luân-ài ê sî-tāi
行路著愛扭一下扭一下
kiânn-lōo tio̍h-ài ngiú--tsi̍t-ē ngiú--tsi̍t-ē
才會好體態
tsiah-ē hó thé-thài
嘿!若欲情意綿綿
heh! nā beh tsîng-ì mî-mî
心頭會輕鬆
sim-thâu ē khin-sang
著愛互相信任永遠結成雙
tio̍h-ài hōo-siong sìn-jīm íng-uán kiat sîng siang
勸逐家青春少年家
khǹg ta̍k-ke tshing-tshun siàu-liân-ke
著愛珍惜戀愛寶貴時代才應該
tio̍h-ài tin-sioh luân-ài pó-kuì sî-tāi tsiah ìng-kai
嘿!來來戀愛的朋友好兄弟
heh! lâi lâi luân-ài ê pîng-iú hó-hiann-tī
行路著愛扭一下扭一下
kiânn-lōo tio̍h-ài ngiú--tsi̍t-ē ngiú--tsi̍t-ē
偌好你敢知
guā hó lí kám tsai
咱若是做人的新婦
lán nā-sī tsuè lâng ê sin-pū
踮厝內愛忍一下忍一下
tiàm tshù-lāi ài lún--tsi̍t-ē lún--tsi̍t-ē
照顧好翁婿
tsiàu-kòo hó ang-sài
嘿!若欲情意綿綿
heh! nā beh tsîng-ì mî-mî
心頭會輕鬆
sim-thâu ē khin-sang
著愛互相信任永遠結成雙
tio̍h-ài hōo-siong sìn-jīm íng-uán kiat sîng siang
勸逐家做人的新婦
khǹg ta̍k-ke tsuè lâng ê sin-pū
著愛好好款待大家大官才應該
tio̍h-ài hó-hó khuán-thāi ta-ke ta-kuann tsiah ìng-kai
嘿!來來婚後的朋友好新婦
heh! lâi lâi hun-āu ê pîng-iú hó sin-pū
踮厝內愛忍一下忍一下
tiàm tshù-lāi ài lún--tsi̍t-ē lún--tsi̍t-ē
偌好你敢知
guā hó lí kám tsai
咱若是做人的翁婿
lán nā-sī tsuè lâng ê ang-sài
毋通時常濕一下濕一下
m̄-thang sî-siông sip--tsi̍t-ē sip--tsi̍t-ē
身體會拍歹
sin-thé ē phah-pháinn
嘿!若欲夫唱婦隨
heh! nā beh hu-tsiòng hū-suî
心頭會輕鬆
sim-thâu ē khin-sang
著愛體貼太太實在歹做人
tio̍h-ài thé-thiap thài-thài si̍t-tsāi pháinn tsuè-lâng
勸逐家做人的翁婿
khǹg ta̍k-ke tsuè lâng ê ang-sài
著愛保護身體認真拍拚才應該
tio̍h-ài pó-hōo sin-thé jīn-tsin phah-piànn tsiah ìng-kai
嘿!來來做人的老爸好翁婿
heh! lâi lâi tsuè lâng ê lāu-pē hó ang-sài
毋通時常濕一下濕一下
m̄-thang sî-siông sip--tsi̍t-ē sip--tsi̍t-ē
身體會拍歹
sin-thé ē phah-pháinn