作詞：克明
作曲：徐嘉良
想著咱的感情生活 不知按怎閃避
才袂像一張紙 隨在人來拆
望你疼惜阮的心晟 不倘擱再軟弱
對阮的心甘會擱變卦
情字不知要按怎寫 才會解脫運命
阮是小心來行 同款看袂破
哪是將你放在心肝 後果早就知影
心像刀割按怎不知痛
不甘願認命的我 天甘會來聽
誰人講悲情注定是命
感情像手中的沙 惦惦隨風散
看無影就攏無卡詛
不甘願認命的我 阮自己來行
一腳步攏是一款痛
對著天嘛應無聲 咱總是行袂偎
這一切甘袂凍認命
------------------------------------------
14008/《認命》Jīn-miā
林子娟Lîm Tsú-kuan
想著咱的感情生活
siūnn-tio̍h lán ê kám-tsîng sing-ua̍h
毋知按怎閃避
m̄-tsai án-tsuánn siám-pī
才袂像一張紙
tsiah buē tshiūnn tsi̍t-tiunn tsuá
隨在人來拆
suî-tsāi lâng lâi thiah
望你疼惜阮的心情
bāng lí thiànn-sioh gún ê sim-tsiânn
毋通閣再軟汫
m̄-thang koh-tsài nńg-tsiánn
對阮的心
tuì gún ê sim
敢會閣變卦
kám ē koh piàn-kuà
情字毋知欲按怎寫
tsîng--jī m̄-tsai beh án-tsuánn siá
才會解脫運命
tsiah ē kái-thuat ūn-miā
阮是小心來行
gún sī sió-sim lâi kiânn
仝款看袂破
kāng-khuán khuànn buē-phuà
若是將你囥在心肝
nā-sī tsiong lí khǹg tsāi sim-kuann
後果早就知影
hiō-kó tsá tiō tsai-iánn
心像刀割
sim tshiūnn to kuah
按怎毋知疼
án-tsuánn m̄-tsai thiànn
毋甘願認命的我
m̄ kam-guān jīn-miā ê guá
天敢會來聽
thinn kám ē lâi thiann
啥人講
siánn-lâng kóng
悲情註定是命
pi-tsîng tsù-tiānn sī miā
感情像手中的沙
kám-tsîng tshiūnn tshiú-tiong ê sua
恬恬隨風散
tiām-tiām suî hong suànn
看無影
khuànn-bô iánn
就攏無較縒
tiō lóng bô-khah-tsua̍h
毋甘願認命的我
m̄ kam-guān jīn-miā ê guá
阮自己來行
gún tsū-kí lâi kiânn
一跤步攏是一款疼
tsi̍t-kha-pōo lóng-sī tsi̍t-khuán thiànn
對著天嘛應無聲
tuì tio̍h thinn mā ìn bô-siann
咱總是行袂倚
lán tsóng-sī kiânn buē uá
這一切
tse it-tshè
敢袂當認命
kám buē-tàng jīn-miā