作詞：小肥/陳鳳
作曲：陳鳳
編曲：余光耀
你要勉強我不如唔好同我一齊
我就係唔得閒日日同你去拖手仔
我唔搽香水唔帶PUSH-UP咁係咪唔似女仔
不如你話我知最終只要滿足到你個身體
怎麼仿似乞求 通宵堆砌咀頭 扮浪漫望我受
想搵一晚溫柔 七千個因由 拍賣廢話亦已足夠
無謂望我 假意奔放
或者可以 扮放蕩
情話道理 一臉官腔
編製夢話 如膠似糖
你要玩浪漫點解唔去搵妹妹仔
你要搵人安慰不如贊助你廿蚊雞
我已經好煩好多野諗感冒藥仲要食多劑
如果你學識了解我咁或者先可以做人世
施捨一晚溫柔 怎可解你需求 做善事沒以後
你演出精湛一流 可惜只覺輕浮 就如石頭沒法打救
何妨為你 找位總理
我偏偏覺 沒趣味
如做大戲 枉費心機
早已悶極 籌款過期
你再係度煩都唔會解決到問題
你唔係萬人迷所以無心要你留低
我亦唔想搞到你好慘日日要搵朋友傾偈
所以最終只可以忍到咁同你講起拜拜