阿爸對阿公粗粗的手中親像阿公對阿祖恬恬仔接落著真橂的鋤頭掘呀掘！千掘萬掘掘落去即張番薯地圖真深的土地內阿爸對阿公石造的肩頭親像阿公對阿祖恬恬仔接落真韌的扁擔擔呀擔！千擔萬擔擔起即張番薯地圖所有的悲苦和榮耀阿爸對阿公古意的喙內親像阿公對阿祖恬恬仔傳落安分的教示講呀講！千講萬講紀錄落去即張蕃藷地圖多災多難的歷史雖然，有儂毋願意提起甚至趕緊欲切斷和即張地圖的血緣關係囡仔啊！恁毋通袜記得阿爸綴阿公實實在在的跤步親像阿公綴阿祖一步一步踏過來的辛苦