16842/《少年心》Siàu-liân Sim
洪榮宏Âng Îng-hông
是無情的風
sī bô-tsîng ê hong
吹澹阮的理想
tshue tâm gún ê lí-sióng
規暝毋敢想起故鄉
kui-mî m̄-kánn siūnn-khí kòo-hiong
彼時驕傲的笑容
hit-sî kiau-ngōo ê tshiò-iông
實在是勉強
si̍t-tsāi sī bián-kióng
恨無人來阻擋
hūn bô-lâng lâi tsóo-tòng
少年心懵懂
siàu-liân sim bóng-tóng
一切不在眼中
it-tshè put tsāi gán-tiong
世間無人比我較勇
sè-kan bô-lâng pí guá khah ióng
如今怨嘆戇
jû-kim uàn-thàn gōng
心事渺渺茫茫
sim-sū biáu-biáu bông-bông
毋敢開門對秋風
m̄-kánn khui-mn̂g tuì tshiu-hong
愛又驚受傷
ài iū kiann siū-siong
思念伊閣毋願講
su-liām i koh m̄-guān kóng
先天就是個性倔強
sian-thian tiō-sī kò-sìng ku̍t-kiông
男人立志在四方
lâm-jî li̍p-tsì tsāi sù-hong
天生逞英雄
thian-sing thíng ing-hiông
目屎滴落夢中
ba̍k-sái tih lo̍h bāng-tiong
少年心衝動
siàu-liân sim tshiong-tōng
寂寞當做平常
tsi̍k-bo̍k tòng-tsuè pîng-siông
哪知每日空思夢想
ná tsai muí-ji̍t khang-su bāng-sióng
回頭紅燈路
huê-thâu âng-ting lōo
一片雲煙茫茫
tsi̍t-phiàn hûn-ian bâng-bâng
只有哀怨的秋風
tsí-ū ai-uàn ê tshiu-hong
少年心懵懂
siàu-liân sim bóng-tóng
一切不在眼中
it-tshè put-tsāi gán-tiong
世間無人比我較勇
sè-kan bô-lâng pí guá khah ióng
如今怨嘆戇
jû-kim uàn-thàn gōng
心事渺渺茫茫
sim-sū biáu-biáu bông-bông
毋敢開門對秋風
m̄-kánn khui-mn̂g tuì tshiu-hong