作詞：黃敏
作曲：黃仁清
海風吹來陣陣寒 又擱來海邊孤單行
陣陣傳來波浪聲 也無看人影
我寂寞的心情 我無奈的心情
無人會凍知影 無人會凍同情
為什麼妳誤會 誤會我的真情
不知著按怎妳才會分明
早日店海邊糖甘蜜甜的情景
海鳥也會凍來證明
------------------------------------------
9489/《海邊的故事》Hái-pinn ê Kòo-sū
洪榮宏Âng Îng-hông
海風吹來陣陣寒
hái-hong tshue lâi tsūn-tsūn kuânn
又閣來海邊孤單行
iū-koh lâi hái-pinn koo-tuann kiânn
陣陣傳來波浪聲
tsūn-tsūn thuân-lâi pho-lōng siann
也無看人影
iā bô-khuànn lâng-iánn
我寂寞的心情
guá tsi̍k-bo̍k ê sim-tsiânn
我無奈的心情
guá bô-nāi ê sim-tsiânn
無人會當知影
bô-lâng ē-tàng tsai-iánn
無人會當同情
bô-lâng ē-tàng tông-tsîng
為啥物你誤會
uī-siánn-mih lí gōo-huē
誤會我的真情
gōo-huē guá ê tsin-tsîng
毋知著按怎
m̄-tsai tio̍h án-tsuánn
你才會分明
lí tsiah ē hun-bîng
昨日踮海邊
tsa-ji̍t tiàm hái-pinn
糖甘蜜甜的情景
thn̂g-kam bi̍t-tinn ê tsîng-kíng
海鳥也會當來證明
hái-tsiáu iā ē-tàng lâi tsìng-bîng