作曲：遠藤実
今日又是藍色天氣 南風吹微微
舉頭看見 彼爿山崙草木青翠(舉：ghiah¯)(爿：bingˇ)
啊‧‧可比故鄉的景緻
我雖然孤單男兒 漂浪他鄉過日子
心內猶原放昧離 故鄉的一切載志(載志：dai¯-zi_)
啊‧‧想欲倒轉來去 倒轉來去 可愛的鄉里
心內茫茫怎樣講起 漂浪的男兒
父母年老 才著出外拍拼趁錢(趁：tan¯)
啊‧‧無疑已經過五年
我也無怨歎什麼 忍耐度過酸苦味
只有懷念遙遠的 故鄉的一切載志
啊‧‧想欲倒轉來去 倒轉來去 可愛的鄉里
我雖然是感覺稀微 也有通安慰
故鄉彼個 心愛的人也有表示
啊‧‧叫我毋通來失志
我應該提出勇氣 認真拍拼免傷悲
誰知心內又想起 故鄉的一切載志
啊‧‧想欲倒轉來去 倒轉來去 可愛的鄉里