無情的月光 照阮破碎的田園 親人叨位去乎阮有厝抹凍返
無情的月光 照治破碎的窗門 美麗的田莊 淹治目屎的中央
九月半的月 乎阮滿腹心酸 月娘怎抹圓 目屎擦攏抹離
九月半的月 教阮怎樣忘記 打拼一世人 目一眨全部無去
九月半的月 留乎我一口氣 但有希望相依 但願有平安相隨
九月半的月 乎我充滿勇氣 明仔早起 我要從頭開始
9457/《九月半的月》Káu-gue̍h-puànn ê Gue̍h
洪榮宏Âng Îng-hông
無情的月光
bô-tsîng ê ge̍h-kng
照阮破碎的田園
tsiò gún phuà-tshuì ê tshân-hn̂g
親人佗位去
tshin-lâng tó-uī khì
予阮有厝袂當轉
hōo gún ū tshù buē-tàng tńg
無情的月光
bô-tsîng ê ge̍h-kng
照阮破碎的窗門
tsiò gún phuà-tshuì ê thang-mn̂g
美麗的田庄
bí-lē ê tshân-tsng
淹佇目屎的中央
im tī ba̍k-sái ê tiong-ng
九月半的月
káu-ge̍h-puànn ê gue̍h
予阮滿腹心酸
hōo gún muá-pak sim-sng
月娘怎袂圓
gue̍h-niû tsuánn buē înn
目屎拭攏袂離
ba̍k-sái tshit lóng buē-lī
九月半的月
káu-ge̍h-puànn ê gue̍h
叫阮怎樣袂記
kiò gún tsuánn-iūnn buē-kì
拍拚一世人
phah-piànn tsi̍t-sì-lâng
目一𥍉
ba̍k tsi̍t-nih
全部無去
tsuân-pōo bô--khì
九月半的月
káu-ge̍h-puànn ê gue̍h
留予我一口氣
lâu hōo guá tsi̍t-kháu khì
但願有希望相依
tān ū hi-bāng sio-i
但願有平安相隨
tān-guān ū pîng-an siong-suî
九月半的月
káu-ge̍h-puànn ê gue̍h
予我充滿勇氣
hōo guá tshiong-buán ióng-khì
明仔早起
bîn-á-tsá-khí
我欲對頭開始
guá beh tuì-thâu khai-sí
九月半的月
káu-ge̍h-puànn ê gue̍h
予我充滿勇氣
hōo guá tshiong-buán ióng-khì
明仔早起
bîn-á-tsá-khí
我欲對頭開始
guá beh tuì-thâu khai-sí