作詞：陳昇
作曲：陳昇
咱寶島的風水真正有名
全世界攏知影美麗福爾摩沙
鳳梨和香蕉四季生得滿山泙
乞丐也駛車街仔路賺吃
來跳恰恰輕鬆的舞步正流行 (來跳恰恰)
不管它註死落來的飛彈
酒就會喝 喊拳會贏
酒醉才相招來旅社
姑娘啊 妳嘸免驚
小百姓的現金仔是真多
錯過了今夜你一定後悔
咱寶島的姑娘啊真正趣味
新台幣若拿著就忘記了咱的名字
親像是咱飼的大官每天都攏在臭彈
出事情像蟑螂走到沒半隻
來跳恰恰輕鬆的舞步正流行 (來跳恰恰)
不管它奸商害死的有幾個
唱著阮風流的歌
天光要相招來去打高爾夫
歐裡桑 你嘸免驚
阮的命攏寄付在公賣局
一攤若不爽就擱再續一攤
姑娘啊 妳嘸免驚
小百姓的簽單攏寄在那壁
貪婪的寶島全世界有名
《寶島戀歌》Pó-tó Luân-kua
陳昇Tân Sing
新寶島康樂隊 Sin Pó-tó Khong-lo̍k-tuī
咱寶島的風水真正有名
lán pó-tó ê hong-suí tsin-tsiànn ū-miâ
全世界攏知影美麗福爾摩莎
tsuân sè-kài lóng tsai-iánn bí-lē Hoo-lú-móo-sah
王梨佮弓蕉四季生甲滿山坪
ông-lâi kah kin-tsio sù-kuì senn kah muá-suann-phiânn
乞食也駛車街仔路趁食
khit-tsia̍h iā sái-tshia ke-á-lōo thàn-tsia̍h
來跳赤赤咱的舞步當時行
lâi thiàu tshiah-tshiah lán ê bú-pōo tng sî-kiânn
毋管伊註死落落來的飛彈
m̄-kuán i tsù-sí lak--lo̍h-lâi ê hui-tuânn
酒著愛啉喝拳會贏
tsiú tio̍h-ài lim huah-kûn ē iânn
酒醉才相招來旅社
tsiú-tsuì tsiah sio-tsio lâi lú-siā
姑娘仔你毋免驚
koo-niû-á lí m̄-bián kiann
小百姓的仙頭仔是誠濟
sió-peh-sìnn ê sián-thâu--á sī tsiânn tsuē
錯過了今夜你一定後悔
tshò kuè-liáu kim-iā lí it-tīng hiō-hué
咱寶島的姑娘仔真正趣味
lán pó-tó ê koo-niû-á tsin-tsiànn tshù-bī
新臺票若捎咧就袂記得咱的名
sin-tâi-phiò nā sa--leh tō buē-kì-leh lán ê miâ
親像是咱飼的大官
tshin-tshiūnn sī lán tshī ê tuā-kuann
逐工攏咧臭彈
ta̍k-kang lóng leh tshàu-tuānn
出代誌
tshut-tāi-tsì
像虼蚻走甲無半隻
tshiūnn ka-tsuah kah bô puànn tsiah
來跳赤赤咱的舞步當時行
lâi thiàu tshiah-tshiah lán ê bú-pōo tng sî-kiânn
毋管伊奸商害死的有幾個
m̄-kuán i kan-siong hāi-sí--ê ū kuí ê
唱著阮風流的歌
tshiùnn tio̍h gún hong-liû ê kua
天光才相招來拍高爾夫
thinn-kng tsiah sio-tsio lâi phah goo-lú-huh
歐吉桑你毋免驚
oo-jí-sáng lí m̄-bián kiann
阮的命攏寄付咧公賣局
gún ê miā lóng kià-hù leh Kong-buē-kio̍k
一攤袂爽閣再紲一攤
tsi̍t-thuann buē sóng koh-tsài suà tsi̍t-thuann
姑娘仔你毋免驚
koo-niû-á lí m̄-bián kiann
小百姓的簽單攏寄佇咧壁
sió peh-sìnn ê tshiam-tuann lóng kià tī-leh piah
貪婪的寶島全世界有名
tham-lâm ê pó-tó tsuân sè-kài ū-miâ