珠淚點點流抹離 思念郎君伊 離開故鄉已經五年
放阮在鄉里 娶子走來到海邊 想起彼當時
雙人立誓有講起 永遠不分開
看子面色黃帶青 心肝像針威 恨你無情甲無義
將阮來放離 一年過了又一年 怨嘆阮自己
欠你花債已經盡 來世再做堆
欠你花債已經盡 來世再做堆
《來世做鴛鴦》Lâi-sè Tsò Uan-iunn
江蕙Kang Huī
珠淚點點流袂離
tsu-luī tiám-tiám lâu buē-lī
思念郎君伊
su-liām lông-kun i
離開故鄉已經五年
lī-khui kòo-hiong í-king gōo-nî
放阮在鄉里
pàng gún tsāi hiunn-lí
娶囝行來到海邊
tshuā kiánn kiânn lâi-kàu hái-pinn
想起彼當時
siūnn-khí hit-tong-sî
雙人立誓有講起
siang-lâng li̍p-sè ū kóng-khí
永遠不分開
íng-uán put hun-khui
看囝面色黃帶青
khuànn kiánn bīn-sik n̂g tài tshinn
心肝像針揻
sim-kuann tshiūnn tsiam ui
恨你無情佮無義
hūn lí bô-tsîng kah bô-gī
將阮來放離
tsiong gún lâi pàng-lî
一年過了又一年
tsi̍t-nî kuè-liáu iū tsi̍t-nî
怨嘆阮自己
uàn-thàn gún tsū-kí
欠你花債已經盡
khiàm lí hue-tsè í-king tsīn
來世再做堆
lâi-sè tsài tsuè-tui
欠你花債已經盡
khiàm lí hue tsè í-king tsīn
來世再做堆
lâi-sè tsài tsuè-tui