作詞：葉俊麟
作曲：七字仔調
火車走到淡水港 現代男性採花蜂
新的交著舊的著來放 親像世間的毒蟲
火車起行陳水螺 現代女性厚麵皮
看人有錢萬事就ok 無錢目睭就反白
船隻離開海港岸 想著男性起偎寒
起初有心甲阮來作伴 無愛一切放外外
船隻出帆過港口 想著女性嘸通交
楊花水情用真厚 一時變心無回頭
飛機一聲到天頂 世間男性最無情
甜言蜜語叫阮著答應 答應了後冷像冰
飛機在天拎攏葛 世間女性最風騷
看伊純情想要甲偎靠 哪知客兄數十個
《啥人較厲害》Siánn-lâng Khah Lī-hāi
江蕙Kang Huī
火車行到淡水港
hué-tshia kiânn kàu Tām-tsuí-káng
現代男性採花蜂
hiān-tāi lâm-sìng tshái-hue-phang
新的交著舊的就來放
sin--ê kau tio̍h kū--ê tiō lâi pàng
親像世間的毒蟲
tshin-tshiūnn sè-kan ê to̍k-thâng
火車起行霆水螺
hué-tshia khí-kiânn tân tsuí-lê
現代女性厚面皮
hiān-tāi lú-sìng kāu-bīn-phuê
看人有錢萬事就ok
khuànn-lâng ū-tsînn bān-sū tō OK
無錢目睭就反白
bô tsînn ba̍k-tsiu tiō píng-pe̍h
船隻離開海港岸
tsûn-tsiah lī-khui hái-káng huānn
想著男性起畏寒
siūnn-tio̍h lâm-sìng khí uì-kuânn
起初有心共阮來做伴
khí-tshoo ū-sim kā gún lâi tsuè-phuānn
無愛一切放外外
bô ài it-tshè pàng-guā-guā
船隻出帆過港口
tsûn-tsiah tshut-phâng kuè káng-kháu
想著女性毋通交
siūnn-tio̍h lú-sìng m̄-thang kau
楊花水性感情用真厚
iông-hua tsuí-sìng kám-tsîng iōng tsin kāu
一時變心無回頭
tsi̍t-sî piàn-sim bô huê-thâu
飛機一聲到天頂
hui-ki tsi̍t-siann kàu thinn-tíng
世間男性最無情
sè-kan lâm-sìng tsuè bô-tsîng
甜言蜜語叫阮著答應
tinn-giân-bi̍t-gí kiò gún tio̍h tah-ìng
答應了後冷像冰
tah-ìng liáu-āu líng tshiūnn ping
飛機在天玲瑯遨
hui-ki tsāi thinn lin-long gô
世間女性最風騷
sè-kan lú-sìng tsuè hong-so
看伊純情想欲共倚靠
khuànn i sûn-tsîng siūnn-beh kā uá-khò
哪知契兄數十個
ná tsai khè-hiann sòo-tsa̍p-kô