作詞：李克明
作曲：徐嘉良
編曲：徐嘉良
音樂一聲響一聲陳 厝內只存阮一個人
電火光光也是黑暗 阮的愛情已經無希望
情歌一聲唱一聲合 金金看人成對成雙
愛你的心阮嘸願放 身邊哪會永遠欠一人
雨落落落袂完 打醒感情這場夢 嘛等等等無人替阮嘸咁
夢夢夢袂著心愛的彼個人 阮已經找無理由擱等
為你浮浮沉沉惦無情的世間 總是為愛心煩心亂
艱苦鬱塊胸坎是為著誰人 愛情咁真正這呢困難
為你浮浮沉沉惦無情的世間 想欲了斷擱嘸甘願
行到這款的坎站無論誰人 也是難過情關
《難過情關》Lân Kuè Tsîng-kuan
江蕙Kang Huī
音樂一聲響一聲霆
im-ga̍k tsi̍t-siann hiáng tsi̍t-siann tân
厝內只賰阮一个人
tshù-lāi tsí tshun gún tsi̍t-ê-lâng
電火光光猶是烏暗
tiān-hué kng-kng iáu-sī oo-àm
阮的愛情已經無希望
gún ê ài-tsîng í-king bô hi-bāng
情歌一聲唱一聲合
tsîng-kua tsi̍t-siann tshiùnn tsi̍t-siann ha̍p
金金看人成對成雙
kim-kim-khuànn lâng sîng-tuì sîng-siang
愛你的心阮毋願放
ài lí ê sim gún m̄-guān pàng
身邊哪會永遠欠一人
sin-pinn ná ē íng-uán khiàm tsi̍t-lâng
雨落落
hōo lo̍h, lo̍h
落袂完
lo̍h buē uân
拍醒感情這場夢
phah-tshínn kám-tsîng tsit tiûnn bāng
嘛等等
mā tán, tán
等無人替阮毋甘
tán bô-lâng thè gún m̄-kam
夢夢
bāng, bāng
夢袂著心愛的彼个人
bāng buē tio̍h sim-ài ê hit-ê lâng
阮已經揣無理由閣等
gún í-king tshuē-bô lí-iû koh tán
為你浮浮沉沉
uī lí phû-phû-tîm-tîm
踮無情的世間
tiàm bô-tsîng ê sè-kan
總是為愛心煩心亂
tsóng-sī uī ài sim huân sim luān
艱苦鬱咧胸坎
kan-khóo ut teh hing-khám
是為著啥人
sī uī-tio̍h siánn-lâng
愛情敢真正遮爾困難
ài-tsîng kám tsin-tsiànn tsiah-nī khùn-lân
為你浮浮沉沉
uī lí phû-phû-tîm-tîm
踮無情的世間
tiàm bô-tsîng ê sè-kan
想欲了斷
siūnn-beh liáu-tuān
閣毋甘願
koh m̄ kam-guān
行到這款的坎站
kiânn kàu tsit khuán ê khám-tsām
無論啥人
bô-lūn siánn-lâng
也是難過情關
iā-sī lân kuè tsîng-kuan