作詞：林東松
作曲：林東松
日落山天色漸暗 心情為誰底操煩
寂寞眠愈想愈長 心內事欲對誰問
一份情怎對半分 一粒心已分袂清
軟心來造成 當作是無心 傷害貼置心肝頂
愛阮過量情愈深 擔袂起你乎阮的壓力
心內愈驚想欲逃避這段情
愛阮過量情愈深 拆袂開你束縛的感情
嘸是沒愛 驚講出來 你傷心
------------------------------------------
7077/《愛過量》Ài Kuè-liōng
王建傑Ông Kiàn-kia̍t
日落山
ji̍t lo̍h-suann
天色漸暗
thinn-sik tsiām àm
心情為誰咧操煩
sim-tsîng uī siáng teh tshau-huân
寂寞暝愈想愈長
tsi̍k-bo̍k mî jú siūnn jú tn̂g
心內事欲對誰問
sim-lāi sū beh tuì siáng mn̄g
一份情怎對半分
tsi̍t-hūn tsîng tsuánn tuì-puànn pun
一粒心已分袂清
tsi̍t-lia̍p sim í hun buē-tshing
軟心來造成
nńg-sim lâi tsō-sîng
當做是無心
tòng-tsuè sī bô-sim
傷害貼佇心肝頂
siong-hāi tah tī sim-kuann-tíng
愛阮過量情愈深
ài gún kuè-liōng tsîng jú tshim
擔袂起
tann buē-khí
你予阮的壓力
lí hōo gún ê ap-li̍k
心內愈驚
sim-lāi jú kiann
想欲逃避這段情
siūnn-beh tô-pī tsit tuānn tsîng
愛阮過量情愈深
ài gún kuè-liōng tsîng jú tshim
拆袂開
thiah buē-khui
你束縛的感情
lí sok-pa̍k ê kám-tsîng
毋是無愛
m̄-sī bô-ài
驚講出來
kiann kóng--tshut-lâi
你傷心
lí siong-sim