嘸是我不願返頭 是雙腳你離開煞一直走
想賣走到你的路 嘸願乎綁條條
嘸是我不肯等侯 是心肝已甘苦煞一直哮
嘸管你甘丫有聽見 攏麥擱想賣計較
麥恨我無情 你我二人路過攏講賣清
一直到最後 我猶原對你盡心
只是你一直攏看麥明
麥恨我無情 你我二人感情攏已經冷
一直到最後 你才知你已經 辜負著我一生
------------------------------------------
13176/《莫恨我無情》Mài Hūn Guá Bô-tsîng
詹曼鈴Tsiam Bān-lîng
毋是我毋願越頭
m̄-sī guá m̄-guān ua̍t-thâu
是雙跤欲離開
sī siang-kha beh lī-khui
煞一直走
suah it-ti̍t tsáu
想欲行家己的路
siūnn-beh kiânn ka-kī ê lōo
毋願予縛牢牢
m̄-guān hōo pa̍k tiâu-tiâu
毋是我毋肯等候
m̄-sī guá m̄-khíng tán-hāu
是心肝會艱苦
sī sim-kuann ē kan-khóo
煞一直吼
suah it-ti̍t háu
毋管你敢猶有聽見
m̄-kuán lí kám iáu ū thiann--kìnn
莫閣想欲計較
mài koh siūnn-beh kè-kàu
莫恨我無情
mài hūn guá bô-tsîng
你我兩人
lí guá nn̄g-lâng
誤會攏講袂清
gōo-huē lóng kóng buē-tshing
一直到最後
it-ti̍t kàu tsuè-āu
我猶原對你真心
guá iu-guân tuì lí tsin-sim
只是你
tsí-sī lí
一直攏看袂明
it-ti̍t lóng khuànn buē-bîng
莫恨我無情
mài hūn guá bô-tsîng
你我兩人
lí guá nn̄g-lâng
感情攏已經冷
kám-tsîng lóng í-king líng
一直到最後
it-ti̍t kàu tsuè-āu
你才知
lí tsiah tsai
你已經辜負著我一生
lí í-king koo-hū tio̍h guá it-sing