※看著你甲別人有獎有笑塊散步
才知影你離開我是什緣故
愛你的心肝攏無深深體悟
目睭內的嫉妒親像六月火燒埔
＃吃醋吃醋只是加添痛苦 挽不回快樂當初
漢界楚河分清楚 勉強逗陣心也糟
愛你袂著只有祝你幸福
------------------------------------------
11206/《食醋》Tsia̍h-tshòo
七郎Tshit-lông
看著你佮別人
khuànn-tio̍h lí kah pa̍t-lâng
有講有笑咧散步
ū kóng ū tshiò teh sàn-pōo
才知影
tsiah tsai-iánn
你離開我是啥緣故
lí lī-khui guá sī siánn iân-kòo
愛你的心肝
ài lí ê sim-kuann
攏無深深體悟
lóng bô tshim-tshim thé-ngōo
目睭內的嫉妒
ba̍k-tsiu lāi ê tsi̍t-tòo
親像六月火燒埔
tshin-tshiūnn la̍k-gue̍h hué-sio-poo
食醋食醋
tsia̍h-tshòo tsia̍h-tshòo
只是加添痛苦
tsí-sī ka-thiam thòng-khóo
挽不回快樂當初
bán put-huê khuài-lo̍k tong-tshoo
漢界楚河分清楚
hàn-kài tshóo-hô hun tshing-tshó
勉強鬥陣心也慒
bián-kióng tàu-tīn sim iā tso
愛你袂著
ài lí buē-tio̍h
只有祝你幸福
tsí-ū tsiok lí hīng-hok