《酒鬼》Tsiú-kuí
七郎 Tshit-lông
透早起床啖一喙
thàu-tsá khí-tshn̂g tam tsi̍t-tshuì
是咧鼻芳味
sī teh phīnn phang-bī
規工才會有精神做代誌
kui-kang tsiah-ē ū tsing-sîn tsuè tāi-tsì
下晡食飯啉兩杯
ē-poo tsia̍h-pn̄g lim--nn̄g-pue
當做是趣味
tòng-tsuè sī tshù-bī
暗頓的時
àm-tǹg ê sî
啉一大堆
lim tsi̍t-tuā-tui
燒酒佮我伴相隨
sio-tsiú kah guá phuānn sio-suî
袂失態落氣
buē sit-thài làu-khuì
不醉不歸的個性
put-tsuì put-kui ê kò-sìng
無人通比
bô-lâng thang pí
眠夢嘛喝單一枝
bîn-bāng mā huah tan--it-ki
啉予伊夠氣
lim hōo-i kàu-khuì
莫怪人人當做我酒鬼
bo̍k-kuài lâng-lâng tòng-tsuè guá tsiú-kuí
酒後心頭定
tsiú āu sim-thâu tiānn
代表我清醒
tāi-piáu guá tshing-tshínn
酒醉定定固定人
tsiú-tsuì tiānn-tiānn kòo-tīng lâng
毋是我家己
m̄-sī guá ka-tī
毋通拚氣魄
m̄-thang piànn khì-phik
身體愛注意
sin-thé ài tsù-ì
爽爽快快
sóng-sóng-khuài-khuài
逐家來鬥陣
ta̍k-ke lâi tàu-tīn
催落去
tshui--lo̍h-khì
我實在毋是酒鬼
guá si̍t-tsāi m̄-sī tsiú-kuí